ဇန်န၀ါရီ ၂၃၊ ၂၀၁၀။
ယနေ့ညနေတွင် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (နိုင်ငံခြားရေးရာကော်မတီ) ၏ “Debaters of Our Society” (DOS) မှ စီစဉ်ကျင်းပသည့်စကားရည်လုပွဲ နောက်ဆုံးပွဲစဉ်ကို Assistance Program of Education for Burmese Children (APEBC) အဆောင်ဝင်းအတွင်း ကျင်းပပြုလုပ်ခဲ့ပါသည်။
DOSသည် စကားရည်လုပွဲသင်တန်းများကို မြန်မာရွှေ့ပြောင်းကျောင်းများတွင် တပတ်လျှင် ၂ရက်၊ ၃လ ကြာပေးလာ ခဲ့ပြီး၊ အဆင့်ဆင့်ပြိုင်ပွဲများကိုလည်း ပြုလုပ်လာခဲ့ပါသည်။
APECB အဆောင်ဝင်းအတွင်း စကားရည်ပွဲဝင် အသင်း (၇) သင်းဖြင့် လွန်ခဲ့သည့်သီတင်းပတ်ကတည်းက ပြိုင်ပွဲများ ကျင်းပလာခဲ့ရာ ယနေ့ နောက်ဆုံးဗိုလ်လုပွဲသို့ တက်ရောက်လာခဲ့ကြသည့် အသင်း ၂ သင်းမှာ “Never give up” နှင့် “Sky Blue” အသင်းတို့ဖြစ်ကြသည်။
စကားရည်လုပွဲတွင် ယှဉ်ပြိုင်စကားစစ်ထိုးကြသောခေါင်းစဉ်မှာ “ဖွံ့ဖြိုးဆဲနိုင်ငံများမှ ကျောင်းသူ၊ ကျောင်းသားများသည် ဖွံဖြိုးပြီးနိုင်ငံများရှိ ကျောင်းများထက်၊ ဒေသအတွင်းရှိ ကျောင်းများတွင်သာ ပညာသင်ကြားသင့်သည်” ဖြစ်ပြီး၊ “Never give up” အသင်းက အနိုင်ရရှိကာ ပထမဆုကို ဆွတ်ခူး ရရှိသွားပါသည်။
ဗကသများအဖွဲ့ချုပ်(နိုင်ငံခြားရေးရာကော်မတီ)က စကားရည်လုပွဲများ ကျင်းပပြုလုပ်ရသည့် ရည်ရွယ်ချက်မှာ မြန်မာ နိုင်ငံပညာရေးစနစ်တွင်မရနိုင်သည့် မြန်မာရွှေ့ပြောင်းကျောင်းသူ ကျောင်းသားများကို ဝေဖန်ပိုင်းခြားနိုင်စွမ်း၊ စကား ပြောစွမ်းရည်၊ ယုံကြည်မှု နှင့် အသိ ပညာများတိုးတက်စေရန် ဖြစ်သည်။
စကားရည်ပွဲသည် နေ့စဉ်ဘ၀အတွက်သာမက အစိုးရအဆင့်အတွက်ပါ အရေးပါပြီး၊ ၁၉၆၂ ခုနှစ် ဒုတိယအကြိမ် စစ်တပ် အာဏာသိမ်းမှုအပြီး မြန်မာနိုင်ငံတွင် စကားရည်လုပွဲများ ဆိတ်သုန်းသွားခဲ့ရသည်မှာ ကြာပြီဖြစ်သည်။ … အပြည့်အစုံသို့ >>>
