အမှတ်စဉ် - (၈ / ၂၀၁၀)

စစ်အုပ်စုဟာ ၂ဝ၁ဝ ရွေးကောက်ပွဲမှာ သပိတ်ဝင်၊ အိတ်ဝင်အကုန်ရဖို့အတွက် ဘယ်သူ့အသံ၊ ဘယ်သူ့မျက်နှာမှ မကြည့်ဘဲ လက်ရဲဇက်ရဲ လုပ်ချင်တိုင်း လုပ်နေတော့ပါတယ်၊၊ စစ်အုပ်စုအဆက်ဆက် အာဏာရှင်ကျဆုံးခန်း သင်ခန်းစာတွေ တပွေ့တပိုက်နဲ့ ဒို့ခေတ်ကျမှ ညံ့ရမှာလား ခံယူချက်အပြည့်နဲ့ ကမ္ဘာထိအောင် မော်ကွန်းတင်ဖို့ ဇာတ်လမ်းဇာတ်ကွက်အပြည့် ပိန္နက်ချပြီး အကွက်စေ့စေ့နဲ့ ခြယ်မှုန်းနေပါတယ်။ အခုတလော ၂ဝ၁ဝ ရွေးကောက်ပွဲဝင်နွှဲမယ့် ပါတီတွေ မျက်က လူးဆန်ပြာဖြစ်နေသလောက် စစ်အုပ်စုကတော့ ခြေလှမ်းသွက်သွက်နဲ့ သူ့ဇာတ်ကောင်တွေကို အနေအထားကြိုချ၊ အဟန့်အတားတွေ အကုန်ရှင်းပြီး ၂ဝ၁ဝ အလွန်ထိ ရွာလွန်ရွက်တိုက်တော့မှာ ဖြစ်ပါတယ်။ ဒါပေမယ့် ဘယ်နေရာက ထတောက်မှန်းမသိတဲ့မီးခဲတွေ၊ မီးလောင်ပြင်တွေကတော့ နေရာအနှံ့ပါပဲ။

လူထုကြီးရဲ့ စား၊ ဝတ်၊ နေရေး အခြေခံပြဿနာတွေ၊ နေရာတကာဖိနှိပ်မှု၊ သွေးစုတ်မှုကြီးလို့ မခံမရပ်နိုင်ဖြစ်ပြီး ထကြွလာမယ့် အလုပ်သမား၊ လယ်သမား၊ လက်လုပ်လက်စားတွေနဲ့ တိုင်းရင်းသားဒေသတွေက တောက်ခေါက်သံတွေ။ နိုင်ငံရေးသော့ချက်အဖြစ် တည်ရှိနေတဲ့ လူထုခေါင်းဆောင် ဒေါ်အောင်ဆန်းစုကြည်။ ၉ဝ ခုနှစ်၊ ရွေးကောက်ပွဲရလဒ်ဖြစ်တဲ့ လူထုဆန္ဒကို မျက်ကွယ်ပြုထားမှု။ တည်ငြိမ်အေးချမ်းပြီး ဖွံ့ဖြိုးတိုးတက်တဲ့ အပြောင်းအလဲကို ရေဆာသလို ဆာလောင်နေတဲ့ မျိုးဆက်သစ်တွေရဲ့ တောင့်တမှု။ ဒါတွေကို ဘယ်လိုမှမကျော်လွှားလစ်လျှူရှု့လို့ မရနိုင်ဘူးဆိုတာ စစ်အုပ်စုကြုံတွေ့ရတော့မှာ ဖြစ်ပါတယ်။ သမိုင်းဆိုင်ရာ ခေတ်အပြောင်းအလဲတခုကို လက်နက်နဲ့၊ ငွေနဲ့၊ အာဏာနဲ့ ပြောင်းလဲလို့ မရဘူးဆိုတာ စစ်အာဏာရှင် ကျဆုံးခန်းတွေမှာ တွေ့ရမှာပါ။

အဖိနှိပ်ဆုံးနေရာဟာ အတော်လှန်ဆုံးနေရာဖြစ်တယ်။ ဖိနှိပ်မှုရှိရင်တော်လှန်မှုရှိတယ်ဆိုတဲ့ တရားဟာ ထာဝရအမှန်တရားပါ။ လူတဦးတယောက်၊ လူတစုကောင်းစားရေးအတွက် ကျန်တဲ့လူတွေက ပေးဆပ်နေရတယ်ဆိုတဲ့ ခေတ်ဟာ လူ့သမိုင်းမှာ မရှိတော့ပါဘူး။ စစ်ဦးထုပ်ကနေ ခေါင်းပေါင်းပြောင်းစွပ်ရုံ၊ ရွေးကောက်ပွဲလေးလုပ်ပေးယုံနဲ့ ကျော်လို့ရမယ်ထင်တာ တော်တော် ရူးမိုက်တဲ့ ကိစ္စပါပဲ။ အကြွင်းမဲ့အာဏာဟာ လူကို အကြွင်းမဲ့ရူးသွပ်စေတယ်ဆိုတဲ့ စကားလို စစ်အုပ်စုကတော့ အစွမ်းကုန် ရူးမိုက်တော့မယ့် ပုံပါပဲ။

တိုင်းပြည်ရဲ့ မြေပေါ်မြေအောက်၊ ရေပေါ်ရေအောက် သယံဇာတတွေအကုန်လုံးကို ထိန်းချုပ်ထားမယ်၊ ဆွေစဉ်မျိုးဆက်စီးပွားရေး ကုမ္ပဏီကြီးတွေပိုင်ဆိုင်ထားမယ်၊ သေနတ်ကို အမိန့်ပေးမယ့် အာဏာကို ဆုတ်ကိုင်ထားမယ်ဆိုတဲ့ လုပ်ရပ်တွေအကုန်လုံးကို ဒီနေ့လိုခေတ်ကြီးမှာ ပြည်သူပြည်သားတွေအကုန်လုံး ကမ္ဘာ့ပြည်သူတွေပါမကျန် သိနေတာဟာ စစ်အာဏာရှင်တွေအတွက် နေဝင်ချိန်ပါပဲ။ ငြိမ်းခါနီးမီးတောက် အစွမ်းကုန်လင်းဆိုပေမယ့် အာဏာကို နှစ်ပေါင်းများစွာ ဆုတ်ကိုင်ထားတဲ့ အတွေ့အကြုံတွေများနေတော့ နောက်ထပ် စစ်အုပ်စုမျိုးဆက်တွေ မွေးဖို့ကို အစွမ်းကုန်ကြိုးစားနေပါတယ်။

၂ဝဝ၈ ဖွဲ့စည်းပုံဆိုတာ စစ်အုပ်စုအာဏာလက်ဆင့်ကမ်းတဲ့ အသက်ဓါတ်ပါပဲ။ ဒါကို မဖျက်သိမ်းနိုင်ရင် အကြမ်းဖက်ဖိနှိပ်တဲ့ သွေးထွက်သံယိုမှုတွေ၊ စစ်မြေပြင်တွေ၊ အကျဉ်းထောင်တွေကတော့ ဗမာပြည်အနှံ့ ဆက်ရှိနေဦးမှာဖြစ်ပါတယ်။ အခုအင်န်အယ်လ်ဒီ၊ စီအာရ်ပီပီအပါအဝင် တက်ကြွတဲ့ ရဟန်းသံဃာ၊ ကျောင်းသား၊ ပြည်သူတွေက လူထုကို ဦးဆောင်တိုက်တွန်းနေတဲ့ ၂ဝဝ၈ ဖွဲ့စည်းပုံအခြေခံဥပဒေကို အသက်သွင်းမယ့် ၂ဝ၁ဝ ရွေးကောက်ပွဲ သပိတ်မှောက်ရေး။ အပစ်ရပ်အဖွဲ့အစည်းများထဲက စစ်အုပ်စုအပေါ် ဒူးထောက်အညံ့မခံပဲ နယ်ခြားစောင့်တပ်ဖွဲ့ရေး၊ ပြည်သူ့စစ်ဖွဲ့ရေးလက်မခံတဲ့ တုန့်ပြန်မှုများ။

ဒါတွေဟာ စစ်အာဏာရှင် သက်ဆိုးရှည်မယ့်၊
တရားဝင် စစ်ကျွန်ပြု၊ တိုင်းပြည်နဲ့ ပြည်သူကို ဟောင်းနွမ်းခေတ်နောက်ကျပြီး ပြည်တွင်းစစ် သက်ဆိုးရှည်မယ့်၊
ဒီမိုကရေစီမိုးမှောင်ကျမယ့် အဖြစ်ဆိုးတွေကို တားဆီးနေတာပဲ ဖြစ်ပါတယ်။
ဒါကြောင့် လူမျိုးပေါင်းစုံပြည်သူတရပ်လုံးက စည်းလုံးညီညွတ်စွာ ဝိုင်းဝန်းကူညီကြရင်း စစ်အာဏာရှင်စနစ်ကို အကုန်
အစင် ဖျက်သိမ်းပစ်ဖို့ တိုက်တွန်းနိုးဆော်လိုက်ပါတယ်။       ။ PDF file … အပြည့်အစုံသို့ >>>

ထုတ်ပြန်ကြေညာချက်

၁။ ကေအိုင်အို၏ခံယူချက်နှင့် ပန်းတိုင်သည်နိုင်ငံတော်အတွင်း မှီတင်းနေထိုင်ကြသော ပြည်သူလူထု၌ အချုပ်အခြာအာဏာတည်၍ အေးချမ်းသာယာပြီး ဖွံ့ဖြိုးတိုးတက်သော နိုင်ငံအဖြစ်ဖြင့် တည်ရှိနိုင်ရန် ရည်ရွယ်သည်။

၂။ ကေအိုင်အိုသည် ငြိမ်းချမ်းမှုရရှိရန်ရည်မျှော်၍ နိုင်ငံတော်အစိုးရအဆက်ဆက်နှင့် အကြိမ်ကြိမ် ညှိနှိုင်းဆွေးနွေးခဲ့ပါသည်။ ၂ဝဝ၉ ခုနှစ်၊ ဧပြီလ (၂၈)ရက်မှစတင်ခဲ့သော ညှိနှိုင်းဆွေးနွေးမှုများကိုလည်း ဆက်လက်လုပ်ဆောင်လျက်ရှိပါသည်။

၃။ ၁၉၉၄ ခုနှစ်၊ ဖေဖေါ်ဝါရီလ (၂၄) ရက်၌ ကေအိုင်အိုနှင့် နဝတအစိုးရတို့ ရေးထိုးခဲ့သော အပစ်အခတ်ရပ်ဆိုင်းရေး သဘောတူညီချက်ကို အခြေခံ၍ ခိုင်မာသော ထာဝရငြိမ်းချမ်းရေး တည်ဆောက်နိုင်ရန် လိုလားပါသည်။

၎။ ခိုင်မာသော ထာဝရငြိမ်းချမ်းရေး ရရှိနိုင်ရန် မျှော်လင့်သောကြောင့် ကေအိုင်အိုအနေဖြင့် -

(က) ပြည်ထောင်စုနိုင်ငံမှ ခွဲထွက်မည့်လမ်းစဉ်ကို စွန့်လွှတ်ပြီး ကချင်အမျိုးသား ခေါင်းဆောင်များနှင့် အခြားတိုင်းရင်းသား ခေါင်းဆောင်များ ၁၉၄၇ ခုနှစ် ပင်လုံတွင် သဘောတူခဲ့သော ပင်လုံကတိကဝတ်နှင့် ပင်လုံစာချုပ်တွင်ပါရှိသော အချက်အလက်များကို အခြေခံသည့် စစ်မှန်သော ဒီမိုကရေစီပြည်ထောင်စုတွင် တန်းတူညီမျှမှုဖြင့် အတူတကွ ယှဉ်တွဲနေထိုင်သွားမည်။

(ခ) နိုင်ငံတော်အစိုးရ အဆက်ဆက်များနှင့် ဆွေးနွေးညှိနှိုင်းခဲ့သည့်နည်းတူ ဆက်လက်၍လည်း ဆွေးနွေးညှိနှိုင်းသော လမ်းစဉ်ကိုအခြေခံပြီး ခိုင်မာသော ထာဝရငြိမ်းချမ်းရေး ရရှိအောင်ဆောင်ရွက်သွားမည်။

(ဂ) ကေအိုင်အေနှင့် အခြားဌါနများကိုလည်း အထက်ပါအပိုဒ် (၄) – (က၊ ခ) တွင် ဖေါ် ပြထားသော မူဝါဒများကို အခြေခံ၍ လိုအပ်သလိုပြင်ဆင်ဖွဲ့စည်းသွားမည်။

၅။ ကေအိုင်အိုသည် နိုင်ငံတော်မှ ကျင်းပရန်စီစဉ်လျက်ရှိသော ရွေးကောက်ပွဲအား လွတ်လပ်၍ တရားမျှတသော ရွေးကောက်ပွဲဖြစ်ရန် လိုလားသည်။

၆။ ကေအိုင်အိုသည် ခိုင်မာ၍ငြိမ်းချမ်းသော စစ်မှန်သည့်ဒီမိုကရေစီ ပြည်ထောင်စုကြီး ဖြစ်ပေါ်လာရန် ရည်မှန်းချက်ရှိသူများ အားလုံးနှင့် လက်တွဲဆောင်ရွက်သွားမည်။     ။

PDF file : အပြည့်အစုံသို့
နေ့ စွဲ။ ။ ၂ဝ၁ဝ ခုနှစ်၊ သြဂုတ်လ (၃ဝ) ရက်။

နအဖတွင်း ကုလားဖန်ထိုးတာတွေ ပေါ်လာပြန်ပါပြီ။ သဘာဝကျစွာပဲ အကဲဖြတ်တာတွေ၊ တွက်ချက်တာတွေ နေရာတကာမှာ လုပ်ကြတာတွေ တွေ့နေရပါတယ်။ ဒီအပြောင်းအလဲတွေကနေပြီး ဘာအဓိပ္ပာယ်ဆောင်သလဲ၊ ဘာတွေဆက် ဖြစ်မလဲဆိုတာတွေကိုလည်း ပြောဆိုကြပါတယ်။ အတိုက်အခံတွေအနေနဲ့ကတော့ နအဖထဲမှာ ရာထူးအာဏာကြောင့်မို့ ကွဲလွဲမှုတွေဖြစ်လာမလား၊ ဂိုဏ်းဂဏတိုက်ပွဲတွေ ပြင်းထန်လာမလား၊ ဒါဟာ လူတိုင်းလို ပြောကြ တွက်ကြတဲ့ ကိစ္စလို့ဆိုရင် မမှားပါဘူး။

အရေးကြီးတာက ကိုယ်ဖြစ်စေချင်တဲ့ဘက်ကနေ ပိုမတွက်မိဖို့ပါပဲ။
ဗမာပြည်က စစ်အုပ်စုထိပ်သီးတွေဟာ အာဏာကို ကိုယ်အသက်ရှင်နေတုန်းမှာ လွှဲပြောင်းပေးတယ်ဆိုတာဟာ မရှိသလောက် အဖြစ်အပျက်ပါ။ ဗိုလ်နေ၀င်းဟာ အသက် (၉၀) နားနီးအထိ အာဏာကို ဆုပ်ကိုင်ထားပြီး ရှစ်လေးလုံးအရေးတော်ပုံကြီးက ဆောင့်တိုက်လိုက်တော့မှသာ တရားဝင်အာဏာကို စွန့်လွှတ်လိုက်တာဖြစ်ပါတယ်။ စွန့်လွှတ်တယ်ဆိုတာလည်း နောက်အာဏာရှင်တယောက်လက်ကို လွှဲခဲ့တာသာဖြစ်ပါတယ်။ ဒါတောင်မှ သူဟာ နောက်ကွယ်ကနေ ကာလတခု ချုပ်ကိုင်နေခဲ့ပါသေးတယ်။ အခုလည်းပဲ နအဖရဲ့ ဒီခြေလှမ်းဟာ တိုင်းပြည်အာဏာကို လက်လွှတ်ဖို့၊ ဒါမှမဟုတ် လက်ဆုပ်ကလေး နည်းနည်းဖြေပေးဖို့ လုပ်တာလို့တွက်ရင် မှားတယ်လို့ထင်ပါတယ်။ ဗိုလ်သန်းရွှေဟာ အဘက်ဘက် သေချာအောင်၊ ပိုင်အောင်လုပ်ပြီး သေချာမှ ဒီလိုခြေလှမ်းမျိုးကို လှမ်းတာဖြစ်တယ်ဆိုတာကို မမေ့သင့်ပါဘူး။ ပြောရရင် သူတို့အနေနဲ့ သူတို့ကို အာဏာပလ္လင်ပေါ်က ပြုတ်ကျစေမှာမျိုးဆိုရင် ဘာမှမလုပ်ပါဘူး။ ဒီရွေးကောက်ပွဲကို မလုပ်လို့လည်း သူတို့မှာ ဘာမှမဖြစ်ပါဘူး။ ဒီတော့ ထိုင်နေအကောင်းသား ထသွားမှ အကျိုးမှန်းသိတယ်ဆိုတာမျိုး ဖြစ်မယ့် ရွေးကောက်ပွဲမျိုးကို နအဖဗိုလ်ချုပ်တွေ မလုပ်တာသေချာပါတယ်။ ဒါတင်မက နအဖလုပ်နေပုံဟာ သူတို့ရဲ့ ၂၀၀၈ အခြေခံဥပဒေကို ပြန်လည်ပြင်ဆင်ဖို့ တင်ခွင့်ရှိတဲ့ အမတ်နေရာ (၂၀) ရာခိုင်နှုန်းကိုပါ လက်ထဲက မလွတ်အောင် လုပ်နေတဲ့ပုံဖြစ်ပါတယ်။ ရွေးကောက်ပွဲဝင်မယ်လို့ ခါးတောင်းကျိုက်ထားသူကြီးတွေ တယောက်ပြီးတယောက် ဘေးထိုင်သွားအောင် လုပ်နေတာကြည့်ရင် ဒါကို အလွယ်နဲ့သဘောပေါက်နိုင်ပါတယ်။ အခုနောက်ဆုံးမှာတော့ ကိုယ့်ပြိုင်ဘက်လို့ ယူဆရသူတွေကို လောက်လေးခွနဲ့ တမင် ပစ်တဲ့အဆင့်ကိုတောင် ရောက်နေပါပြီ။ ဖဆပလခေတ်က ပြူစောထီး ပြန်လာနေပါပေါ့လား။

အလားတူပဲ အဲဒီရွေးကောက်ပွဲအတွက် ပြင်ဆင်တာဖြစ်တဲ့ အခုစစ်တပ်ထိပ်ပိုင်း ကုလားဖန်ထိုးပွဲလည်း ဗိုလ်သန်းရွှေအနေနဲ့ မီးမသေရင်မလုပ်ပါဘူး။ အကုန် သူ့ခြေသူ့လက် ပြင်ဆင်ပြီးမှ လှမ်းတဲ့ခြေလှမ်းဖြစ်မှာပါ။ စစ်အုပ်စု၊ စစ်အာဏာရှင် လောကရဲ့ ထုံးစံအတိုင်း နံပါတ်တူးမထားတဲ့ နံပါတ်ဝမ်းရဲ့ စိတ်တိုင်းကျစီမံချက်ဖြစ်ပါတယ်။ အဲတော့ ဗမာပြည်နိုင်ငံရေးနဲ့ ပတ်သက်သူတိုင်းအနေနဲ့ အဲဒီငကန်းနေရာ ငစွေနေရာယူတဲ့ကိစ္စမျိုးထဲမှာ မျောပါသွားလို့မဖြစ်ပါဘူး။ ဒီလောက်ရှင်းနေတဲ့ ကိစ္စမှာ နအဖစစ်အစိုးရကို ကြံဖန်အမှတ်ပေးချင်တဲ့ အရင်အမေရိကန်သံအရာရှိဟောင်းဆိုတဲ့ လူမျိုးကသာ “အကောင်းမြင်ဝါဒ”နဲ့ ကြည့်တာ၊ ပြောတာကို ကြားရ။ ဖတ်ရပါတယ်။ ဦးတင်ဦးလို ပုဂ္ဂိုလ်ပြောတာကို သတိထားနားထောင်ကြည့်ပါ။ စစ်အာဏာရှင်တွေအကြောင်းကို နောကျေနေတယ်လို့ ဆိုလောက်တဲ့သူက ဒါမျိုးတွေဟာ ဘာမှမဆန်းဘူး၊ ဘာမှတွက် မနေကြနဲ့လို့ ပြောသွားတာဟာ မှတ်သားစရာကောင်းလှပါတယ်။

ဒီလိုဆိုတဲ့အတွက် နအဖဗိုလ်ချုပ်တွေအားလုံး ဒီအစီအမံကို ကျေနပ်သဘောကျကြတယ်လို့တော့ အလွယ်ပြောလို့ မရပါဘူး။ မုချပဲ မကျေနပ်တာ၊ နာလိုခံခက်ဖြစ်တာတွေရှိမှာပါ။ ဒီတကွေ့မှာ နအဖစစ်အုပ်စု တခုလုံးအဖို့ကတော့ မနိုင်လည်းနိုင်၊ နိုင်လည်းနိုင်ဖြစ်မှာပါ။ ဒါပေမယ့် ဒီထဲက တချို့သော ဗိုလ်ချုပ်တွေ တဦးချင်းအဖို့တော့ သူဌေးဖြစ်ခွေးဖြစ် ပုံအော ရတာမျိုး ဖြစ်သွားနိုင်ပါတယ်။ ဒီတော့ ကံမှောက်မှားလို့ ရွေးကောက်ပွဲမှာ မတော်တဆရှုံးသွားတဲ့ စစ်တပ်ထိပ်ပိုင်းတွေဟာ ဒီအရှုံးကို လက်သင့်ခံနိုင်ပါ့မလားဆိုတာ မေးစရာဖြစ်လာပါတယ်။ အမှန်ပါပဲ၊ အာဏာရဲ့အရသာကို မြိန်မြိန်ရှက်ရှက်ကြီး မှီဝဲဖူးထားကြသူတွေဖြစ်တဲ့အတိုင်း သူတို့ဟာ အာဏာဆိုရင် တိုးလို့သာရချင်မယ်၊ ရပြီးသားကို လက်မလွှတ်ချင်တာကတော့ အထူးပြောနေစရာမလိုပါဘူး။ သူတို့ဟာ ဦးပုညရေးသလိုပဲ အာဏာကလေး တရွေးလောက်ရှိရင် “အင်မတိအင်မတန်၊ စံချင်တိုင်းစံရတယ်” ဆိုတာကို ကောင်းကောင်းသိနေကြတယ်ဆိုတာကို ဗိုလ်သန်းရွှေအသိဆုံးဖြစ်ပါတယ်။ ဒါကြောင့် ဗိုလ်သန်းရွှေအနေနဲ့ သူ့လူတွေအတွက် ခြေမမြဲလက်မြဲအောင် စီမံပေးထားလိမ့်မယ်လို့ ယုံကြည်ရပါတယ်။

ဒါတွေကြောင့် လက်ရှိအခြေအနေမှာ ဒင်းတို့တွင်း ပဋိပက္ခတွေဟာ ပြင်းထန်သဲသန်လာမယ့်၊ ပေါက်ကွဲထွက်လာမယ့် အနေအထားတော့ မဟုတ်သေးဘူးလို့ ယူဆရပါတယ်။ တကယ်လို့ နအဖဗိုလ်ချုပ်တွေအတွင်းမှာ သူတို့ရဲ့ကိုယ်ပိုင် အကျိုးစီးပွားတွေကြောင့် ကွဲကြတယ်ဆိုရင် ပြည်သူလူထုအတွက် အကျိုးရှိဖွယ်ရာသိပ်မမြင်ပါဘူး။ (ဒီလိုအဖြစ်ဟာ တချိန်မှာ မဖြစ်နိုင်ဘူးလို့ မပြောနိုင်ပါဘူး) အဲဒီလို သူတို့ချင်း စစ်တပ်ကြီးတွေနဲ့ တိုက်ကြတယ်ဆိုရင် ဒါဟာ စစ်အာဏာရှင်စနစ်ကို ထိန်းသိမ်းရေးအတွက်ပဲဖြစ်မှာပါ။ ပြည်သူလူထုဟာ မြေဇာပင်အခန်းလောက်ပဲပါရမှာပါ။

ဖိနှိပ်တဲ့အုပ်စိုးသူရဲ့ စစ်တပ် ပြိုကွဲတယ်ဆိုတာမှာ အကြောင်းရင်းတွေက အမျိုးမျိုးဖြစ်နိုင်ကြောင်း သမိုင်းအတွေ့အကြုံတွေအရ သိရပါတယ်။ အဲဒီအထဲမှာ ပြည်သူလူထုအတွက် အကျိုးအရှိနိုင်ဆုံးဟာ လူထုလှုပ်ရှားမှုရဲ့ဖိအားကြောင့် ကွဲထွက်ခြင်းမျိုးသာ ဖြစ်ပါတယ်။ ဒါကို ဗိုလ်နေ၀င်းကအစ ဗမာပြည်က စစ်အုပ်စုထိပ်သီးတွေဟာလည်း ကောင်းကောင်း နားလည်ရုံမက အစိုးရိမ်ဆုံးလည်း ဖြစ်ပါတယ်။ ရှစ်လေးလုံးတုန်းက ဗိုလ်နေ၀င်းက ဗိုလ်စောမောင်ကို အာဏာသိမ်းခိုင်းလိုက်တာဟာ သူတို့စစ်တပ်ထဲက တချို့လူထုတိုက်ပွဲထဲကို ပါဝင်လာတာ စပြီးတွေ့ရလာလို့ ဖြစ်ပါတယ်။ ဒါကိုတော့ သူတို့လုံးဝ လက်ပိုက်ကြည့်မနေနိုင်ပါဘူး။ အမြန်ဆုံး ဖြေရှင်းပစ်ကြပါတယ်။

အမှန်ကတော့ နအဖရဲ့တပ်မတော်ထဲမှာ အောက်ခြေတပ်မှူးတပ်သား အများစုကြီးဟာ သူတို့ရဲ့ထိပ်သီးတွေ လုပ်နေတာတွေကို ကျေနပ်ကြတာမဟုတ်ပါဘူး။ ကိုယ်ကအနာခံပြီး သူတို့ကအသာစံနေကြလို့ မကျေနပ်တာမျိုးရှိသလို နိုင်ငံရေးအရ လေးလေးနက်နက်သဘောပေါက်ပြီး တနေ့မှာ သမိုင်းတရားခံဖြစ်မှာကို မလိုလားသူတွေလည်း ရှိကြပါတယ်။ ဒါပေမယ့် တကယ်လို့သာ အခုအချိန်မှာ တပ်မတော်ထဲက ကွဲထွက်လာတယ်ဆိုရင် သူတို့ဟာ ဘယ်သူတွေနဲ့ ပေါင်းရမှာလဲ။ ရှစ်လေးလုံးတုန်းကတော့ လမ်းမပေါ်က လူထုတွေထဲ ၀င်ပေါင်းလို့ရပါရဲ့၊ အခုတော့ ဘာမှမရှိဘူးဖြစ်နေပါတယ်။ အဲဒီလို လက်တွဲစရာမမြင်ဘဲနဲ့တော့ ဗိုလ်သန်းရွှေတို့လက်အောက်ကနေ အုံနဲ့ကျင်းနဲ့ ခွာထွက်လာဖို့ဆိုတာ မလွယ်သေးပါဘူး။

ပြန်ချုပ်လိုက်ရင် အတိုက်အခံတွေအဖို့ ဘောလုံးဟာ ကိုယ့်ကွင်းဘက်မှာပဲ ရှိနေပါတယ်။ ကိုယ်ကဘာမှမလုပ်ဘဲ စစ်အစိုးရ၊ စစ်အာဏာရှင်စနစ်နဲ့ စစ်အုပ်စု ပြိုပျက်သွားမှာ မဟုတ်ဘူးဆိုတာ မမေ့သင့်ပါဘူး။ ကိုယ့်အိမ်ရှေ့က အမှိုက်ပုံကြီးဟာ တယောက်ယောက်က မဖယ်ရှားရင် ပျောက်မသွားဘူးဆိုတာလိုပါပဲ။       ။ PDF file  Download ယူရန်

ပေါ့ပ်ဆိုတာ နှာခေါင်းရှုံ့စရာ မဟုတ်ပါဆိုတဲ့ခေါင်းစဉ်နဲ့ ဆောင်းပါးတစ်ပုဒ်ရေးဖူးရုံမက ပေါ့ပ်ယဉ်ကျေးမှုဆိုတာ ကိန်းကြီးခမ်းကြီးနိုင်လှတဲ့ အထက်တန်းလွှာလူတစ်စုရဲ့ ဧည့်ခန်းဆောင်ထဲက စိန်ရောင်မြ ရောင်ပိုးဖဲကတ္တီပါရောင်တွေ ရွှန်းလက်တောက်ပနေတာတွေကို ဆန့်ကျင်အရွဲ့တိုက်ရာကပေါ်ထွက်လာတဲ့ လူထုယဉ်ကျေးမှုဖြစ်တဲ့အကြောင်း စာတွေလည်းရေးခဲ့ဖူးပါတယ်။

စောဒကတက်ဖို့သက်သေတွေ
တစ်နေ့တော့လူငယ်တစ်ယောက်က ဂျာနယ်တွေထဲကဖြတ်ညှပ်ပြီး သိမ်းထားတဲ့ ပေါ့ပ်စာမျက်နှာတွေ အထပ်လိုက်ယူချလာပြီး စောဒကတက်ပါတယ်။ သူယူလာတာတွေ ကောက်ကြည့်လိုက်တော့ ‘Celebs’ လို့အတိုကောက်ခေါ်လေ့ရှိတဲ့ ထင်ပေါ်ကျော်ကြားသူများအကြောင်း သတင်းတွေ၊ အင်တာဗျူးတွေ၊ နိုင်ငံခြားဈေးဝယ်ထွက်တဲ့ သတင်းဓာတ်ပုံတွေစုံနေတာ တွေ့ရတယ်။ ဒါ့အပြင် စကတ်တိုနဲ့ ရင်ရှားဂါဝန်ဝတ်ပုံတွေလည်း တစ်ထပ်ကြီးပါလာသေးတယ်။ ဒါတွေကိုနှာခေါင်းမရှုံ့ရတော့ဘူးလားခင်ဗျာလို့လည်း သူကမေးလိုက်ပါတယ်။ နှာခေါင်းရှုံ့ရုံတင်မကပါဘူးကွယ်။ မီးဖိုထဲတောင်ထည့်ပစ်သင့် ပါတယ်လို့ဖြေလိုက်တော့ ဆရာပဲ ပေါ့ပ်ဆိုတာနှာခေါင်းရှုံ့စရာမဟုတ်ပါ လို့ရေးခဲ့တာပဲလို့ပြန်ပြီးချေပပါတယ်။

ကြုံဗျူးတဲ့
သူယူလာတာတွေကိုတစ်ထပ်ချင်းဆွဲထုတ်ပြီး အင်တာဗျူးသပ်သပ်၊ သတင်းသပ်သပ်၊ ဓာတ်ပုံသပ်သပ်သူ့ရှေ့မှာချလိုက်ပါတယ်။ ပြီးတော့ အင်တာဗျူးတွေကိုပြပြီး “ကဲ ဒါတွေဟာသတင်းအင်တာဗျူးတွေ လား” လို့ သူ့ကိုမေးခွန်းထုတ်လိုက်ပါတယ်။ အင်တာဗျူးနာမည်ခံထားတာတွေ ကြည့်ပါဦး။ တစ်စက္ကန့်အင်တာဗျူးတဲ့၊ ကြုံတုန်းဗျူးတဲ့၊ ကြုံဗျူးတဲ့၊ မေးချင်သလိုမေးပြီး ဖြေချင်သလိုဖြေထားတဲ့ အရည်မရ အဖတ်မရ ပေါက်ပန်းဈေးစာတွေ။ မထင်ပေါ်နဲ့ကိုကျော်ကြားများအတွက် အကျိုးမရှိ။ စာဖတ်သူများအတွက်လည်း ပိုက်ဆံပေးဖတ်ရကျိုးမနပ်တာမျိုးတွေချည်းပဲ။

ထိမ်ချန်မှုနဲ့ငြိဦးမယ်
သတင်းဆိုတာတွေကလည်း သတင်းမဟုတ်ပါဘူး။ လူကြော်ငြာတွေပါ။ နောက်ပြီး မထင်ပေါ်နဲ့ကိုကျော်ကြားများက ရှော့ပင်းထွက်တာတွေကို ဖော်ပြပေးနေတာတွေလည်း ဆင်ခြင်သင့်ကြတယ်။ မြန်မာနိုင်ငံမှာ ဒေါ်လာကိုင်တာတွေ့ရင် အရေးယူလို့ရတယ်ဆိုတာ မသိကြတာလား။ သိရက်နဲ့ ဂရုမစိုက်ကြတာလား။ မသိပေမယ့် တော်ကြာရင် ဂျာနယ်ဆရာပါသိလျက်နဲ့ ထိမ်ချန်မှုနဲ့ငြိနေပါဦးမယ်။ မသိလို့ချိုးဖောက်မိပါတယ်ဆိုလို့ ဥပဒေကချမ်းသာပေးမှာမဟုတ်ဘူး။ နိုင်ငံခြားသွား ရုပ်ရှင်ရိုက်မယ်၊ ကြော်ငြာရိုက်မယ်ဆိုသူတွေလည်း သတိနဲ့ဆင်ခြင်သင့်ကြတယ်။

ပေါ့ပ်ကိုဖျက်တဲ့ပက်ပ်
ပေါက်ပန်းဈေး အရည်မရအဖတ်မရသတင်းတွေကို ပေါ့ပ်သတင်းတွေလို့ ခေါ်နေကြတာဖြစ်တယ်။ တကယ်တော့ ဒါမျိုးတွေဟာ ပေါ့ပ်မဟုတ်သလို ဒါမျိုးတွေထည့်တဲ့ဂျာနယ်တွေကိုလည်း ပေါ့ပ်ဂျာနယ်လို့မခေါ်နိုင်ပါဘူး။ ဒါမျိုးတွေကိုပက်ပ် (Pep)အမှိုက်သရိုက်တွေ၊ အပေါစားတွေလို့ ခေါ်ပါတယ်။ လူထုယဉ်ကျေးမှု (Pop Culture) ကိုပုံပျက်ပန်းပျက်ဖြစ်အောင် တမင်တကာလုပ်တဲ့ (Pep Culture)သာဖြစ်တယ်။ အဲဒီလိုပက်ပ်တွေကို ပေါ့ပ်စစ်စစ် အနုပညာသမားတွေက ဘန်းစကားနဲ့ ‘ရှလော့’ (Schlock)လို့ခေါ်ကြတယ်။ ဒီမှာ အတွေ့ရများတာက ပက်ပ်တွေရှလော့တွေဖြစ်တယ်။ ပေါ့ပ်မဟုတ်ဘူး။

ပညာပေးဖျော်ဖြေမှု
စာနယ်ဇင်းဆိုတာ သတင်းပေးဖို့နဲ့ အသိ(ပညာ)ပေးဖို့သာမက ဖျော်ဖြေမှုပေးဖို့ပါ လိုအပ်တယ်။ လူ့ဦးနှောက်ဟာလည်း အညောင်းဖြေဖို့လိုတယ်။ ဖျော်ဖြေမှုနဲ့ဦးနှောက်ကို လန်းဆန်းအောင်လုပ်ပေးရတယ်။ ဒါပေမဲ့ စာနယ်ဇင်းသမားဆိုတာ ပျော်တော်ဆက် (clown) မဟုတ်ဘူး ဆိုတာလည်း မေ့မထားရဘူး။ စာနယ်ဇင်းရဲ့ ပင်မတာဝန်က သတင်းပေးဖို့နဲ့ အသိ(ပညာ) ပေးဖို့သာဖြစ်တယ်။ ဖျော်ဖြေမှုကို ပညာပေးတာနဲ့ ဆက်စပ်ပြီး ကျွဲကူးရေပါသဘောပေးရမှာဖြစ်တယ်။ ဒါကိုစာနယ်ဇင်းစကားနဲ့ (Edutainment) ပညာပေးဖျော်ဖြေမှုလို့ခေါ်တယ်။ ရှေးအစဉ်အဆက် မြန်မာတွေပြောလေ့ရှိတဲ့ ဇာတ်သမားလာရင် မှတ်သားစရာပါရမယ်။ ဇာတ်သမားပြန်ရင် မှတ်သားစရာကျန်ရမယ်ဆိုတဲ့ သဘောမျိုးဖြစ်တယ်။

ရှေးကဇာတ်သဘင်ဆိုတာ
ရှေးကမြန်မာဇာတ်သဘင်ဟာ အပျင်းပြေပျော်တော်ဆက်သက်သက် မဟုတ်ဘူး။ နောက်ပိုင်းဇာတ်ထုပ်ကြီးတွေဟာ ကောင်းမှုနဲ့မကောင်းမှု၊ ဓမ္မနဲ့အဓမ္မ အားပြိုင်မှုတွေကိုပြပြီး နောက်ဆုံးမှာ ဓမ္မကအနိုင်ရသွားရတာတွေကို ပညာပေးသွားခဲ့ကြတယ်။ ရတနာပုံခေတ်က ရှေ့တော်မှာကပြခဲ့ကြတဲ့ ၀ိဇယပြဇာတ်၊ ပါပဟိန်နဲ့ရေသည်ပြဇာတ်များဟာ ဖျော်ဖြေရေးသက်သက်မဟုတ်ကြဘူး။ မင်းညီမင်းသားများရဲ့ ရမ်းကားမှုများနဲ့တိုင်းသူပြည်သားများရဲ့ ပကတိအခြေအနေများကို ရွှေနားတော်အရောက်ကြားသိရအောင် ဆောင်ရွက်ခဲ့ကြတာဖြစ်တယ်။ ပဒေသရာဇ်ခေတ်ကြီးထဲမှာတောင် စာဆိုတော်ကြီးများနဲ့ ဇာတ်သဘင်ပညာရှင်များ တာဝန်ကျေအောင် ဆောင်ရွက်ခဲ့ကြတာ ကြည်ညိုစရာကောင်းလှတယ်။

ဆိုဂျူသောက်တာအတုခိုး
စာနယ်ဇင်းဆရာတွေက ဦးကြင်ဥတို့၊ ဦးပုညတို့ကိုတော့ အတုယူဖို့စိတ်မကူးကြဘဲ အနောက်နိုင်ငံတွေက ပက်ပ်စာစောင်တွေနဲ့ ကိုရီးယားမင်းသား၊ မင်းသမီးတွေအကြောင်း ပုံတူကူးချဖို့လောက်သာ အပြိုင်အဆိုင်ကြိုးစားနေကြတာတွေ့ရတယ်။ ဖျော်ဖြေရေးနယ်ပယ်က မထင်ပေါ်တို့ကိုကျော်ကြားတို့ကလည်း ကိုရီးယားမင်းသား၊ မင်းသမီးများရဲ့ သရုပ်ဆောင်မှုအတတ်ပညာတွေကို အားကျအတုယူရမယ့်အစား ဖင်ပေါ်ရင်ပေါ် ၀တ်တာစားတာတွေနဲ့ ‘ဆိုဂျူ’ သောက်တာလောက်ကိုပဲ အတုခိုးနေကြတယ်။ ပြောလိုက်ရင်တော့ အနုပညာအလုပ်၊ အနုပညာရှင်ဆိုတဲ့ စကားတွေက မိုးမွှန်နေတာပါပဲ။

သံကုန်ဟစ်မှငိုတာမဟုတ်
အားမနာတမ်းပြောရမယ်ဆိုရင် အနုပညာလို့ ခေါ်လောက်တဲ့အဆင့်ကိုရောက်ဖို့ တော်တော်လိုသေးတယ်လို့ပဲ ထင်တယ်။ အများအားဖြင့် ဖျော်ဖြေရေးအဆင့်ထက် မပိုသေးပါ ဘူး။ သရုပ်ဆောင်ပုံကိုကြည့်။ ငိုစရာရှိရင် ခုနစ်အိမ်ကြား၊ ရှစ်အိမ်ကြားသံကုန်ဟစ်အော်ငိုချလိုက်ပြီး နှာရည်တရွှဲရွှဲညှစ်ပြလိုက်တာပဲ။ လူကြမ်းဆိုရင်လည်း အရုပ်ဆိုးဆိုး မျက်နှာကြောတင်းတင်းနဲ့ အော်ဟစ်ကြိမ်းမောင်းလုပ်ပြလိုက်တာပဲ။ ချစ်ခန်းကြိုက်ခန်းဆိုလည်း မင်းသား၊ မင်းသမီးဖက်ပြလိုက်ရုံပဲ။ မျက်ရည်မရွှဲ၊ နှပ်မညှစ်ဘဲမေးကြောလေး တစ်ချက်တင်းရုံ၊ အကြောပြိုင်းပြိုင်းထအောင် လက်သီးဆုပ်လိုက်ရုံနဲ့ ကြည့်သူရဲ့ရင်ထဲမှာ ဆို့နင့်သွားစေနိုင်တယ်ဆိုတာ သဘောပေါက်ပုံမရကြဘူး။ လူဆိုးဆိုတိုင်း အရုပ်ဆိုးတာမဟုတ်ဘူး။ ဗိုလ်အောင်ဒင်လို ဂုဏ်သရေရှိ လူဆိုးကြီးတွေရှိတတ်တာကိုလည်း သိပုံမရကြပါဘူး။

စိတ်ဆိုးရင်လည်းမတတ်နိုင်
ဒီနေ့မြန်မာသရုပ်ဆောင်အများစုရဲ့ သရုပ်ဆောင်ပုံတွေဟာ ဇာတ်ခုံပေါ်မှာ သရုပ်ဆောင်တာနဲ့ အတူတူလိုဖြစ်နေတာ သတိထားမိတယ်။ ရုပ်ရှင်သရုပ်ဆောင်နဲ့လုံးဝမတူပါဘူး။ မျက်နှာအမူအယာတစ်မျိုးတည်းနဲ့ အလွမ်း၊ အသော၊ အချစ်၊ အကြမ်း၊ အရမ်းအမျိုးမျိုး သရုပ်ဆောင်ပြနိုင်စွမ်းရှိတဲ့ ရုပ်ရှင်မင်းသားကျော်ဆွေလို သရုပ်ဆောင်မျိုး တစ်ယောက်မှမရှိဘူးလို့ပြောရင် လွန်မယ်မထင်ဘူး။ အဲဒါကြောင့်အနုပညာလို့ ခေါ်လောက်တဲ့အဆင့်မရောက်သေးဘူး။ဖျော်ဖြေရေးအဆင့်လောက်ပဲ ရှိသေးတယ်လို့ဆိုခဲ့တာပါ။ စိတ်ဆိုးကြရင်လည်း မတတ်နိုင်တော့ဘူး။

စစ်တပ်တွင်းနေရာချထားမှုသတင်းများနှင့်ပတ်သက်၍
(၂၀၁၀ ပြည့်နှစ်၊ သြဂုတ်လ ၂၇   ရက်)

သတင်းတွေအားလုံးက တညီထဲပြောနေရေးနေတာက ထိပ်ပိုင်း ၁၂၃၄ တပ်ရာထူးက အနားယူကြမည်ဆိုတာပဲဖြစ်သည်။ ၁၂၃၄ ဆိုသည် မှာ ၁။ ဗိုလ်သန်းရွှေ  ၂ ။ ဗိုလ်မောင်အေး ၃။ ဗိုလ်ရွှေမန်း ၄။ ဗိုလ်တင်အောင်မြင့်ဦး တို့ကိုဆိုလိုသည်။ အခြားရာထူးနေရာများနှင့် ပတ်သက်၍လည်း အသေးစိတ်ဖေါ်ပြထားကြသည်။ အတိကျတော့ မည်သူမျှပြောနိုင်လိမ့်မည် မဟုတ်ပါ။ သို့အတွက် ယခုရေးသားချက်တွင် ခန့်မှန်း တွက်ချက်ရေးသား ရသဖြင့် “လိမ့်မည်”တွေသာများလိမ့်မည်။

သေချာသည်မှာ ဖြစ်ပေါ်လာတော့မည့် အခြေခံဥပဒေ (၂၀၀၈) နှင့် လိုက်လျောညီထွေရှိရမည့် နေရာချထားမှုလုပ်ကိုလုပ်ရမည်။

သို့အတွက် နေရာချထားမှုသည် ကျယ်ပြန့်သလောက်အရေးပါလိမ့်မည်။ နေရာချထားမှု၏ အဓိကမဏ္ဍိုင်မှာ အာဏာ လက်မလွတ်ရေးနဲ့ ဆက်လက်ချုပ်ကိုင်ထားနိုင်ရေးသာဖြစ်သည်။

မကြာသေးမီက ဗိုလ်သန်းရွှေ ဦးစီးကျင်းပသွားသည့် အထူးစီမံကိန်းများ အကောင်အထည်ဖော်ရေးအဖွဲ့ အစည်းအဝေးတွင်  ယင်းကိစ္စကြီးများကို ဆုံးဖြတ်ခဲ့ကြခြင်းဖြစ်လိမ့်မည် ယူဆရပါသည်။ ယင်းနောက်နေရာချထားမှု သတင်းများ ရှေ့ဆင့်နောက်ဆင့် ထွက်လာသည်။

နေရာချထားမှုကို ဗိုလ်သန်းရွှေကပဲ စိတ်ကြိုက်လုပ်မှာသေချာသည်။ သူသည် လက်ရှိနံပတ်ဝမ်းဖြစ်သည်။ သို့အတွက် နေရာချထားမှုကို သူ့ကိုယ်တိုင် ပိုင်ပိုင်နိုင်နိုင်စီမံလိမ့်မည်ကို ယုံမှားသံသယရှိစရာမလို။

ထို့အပြင် ဖြစ်ပေါ်လာမည့်နေရာချထားမှုတွင်လည်း ဗိုလ်သန်းရွှေသည် အာဏာကို ဆက်လက်ထိန်းချုပ်ထားနိုင်သည့် နေရာချ ထားမှုပုံစံကိုသာ ယူရလိမ့်မည်။ အခြားပုံစံဖြစ်နိုင်လိမ့်မည်မထင်ပါ။  သို့ဖြစ်သဖြင့် အနာဂတ်ကာလတွင် အာဏာကိုဆက်လက် ထိန်းချုပ်ထားနိုင်မည့်နေရာမှာ (ဖွဲ့စည်းပုံအခြေခံဥပဒေ ၂၀၀၈ တွင်ပြဌာန်းထားချက်အရ) သမ္မတနေရာကိုသာ ယူရလိမ့်မည်။ တခြားမရှိပါ။ ကာကွယ် ရေးဦးစီးချုပ် ဆက်လုပ်ရန်လည်း အသက်က ခွင့်မပြုတော့ပြီ။

ဗိုလ်သန်းရွှေသည်အခြေခံဥပဒေကို စိတ်ကြိုက်ရေးဆွဲပြီး အထွဋ်အထိပ်နေရာကို မယူဝံ့လျှင်ရာဇဝင်ရိုင်းသည်ဟု ယူဆပေလိမ့်မည်။

ထို့အပြင် ခန့်အပ်ရမည့် ကာကွယ်ရေးဦးစီးချုပ်အသစ်သည် သမ္မတကလုံးလုံးလျားလျား မီးသေသူသာ ဖြစ်ရမည်။
“ငါ့ကိုသာအရှင်မှတ်၊ ငါချစ်ရာချစ်၊ ငါမုန်းရာမုန်း၊ ငါ့ရန်သူကို ရန်သူမှတ်” ဆိုသကဲ့သို့ မီးသေနိုင်မည့်သူကို စစ်တပ်ထဲတွင်ရှာဖွေရန် ဗိုလ်သန်းရွှေ အတွက်အခက်အခဲမရှိနိုင်ဟု ယူဆသည်။ ဗိုလ်သန်းရွှေသည် ယင်းသို့တွက်ချက်ပြီး နေရာချထားလိမ့်မည်ဟု တွက်ဆပါသည်။ ယင်းအချက် ၂ ခုသည် နေရာချထားရေး၏ အချက်အချာဖြစ်လိမ့်မည်ဟုယူဆပါသည်။

စစ်အုပ်စုတွင်းတိုက်ပွဲဆိုသည်မှာ လောလောဆယ်ကာလအတွင်း ထွက်ပေါ်လာနိုင်စရာမရှိသေးဟု ယူဆပါသည်။ ဗိုလ်သန်းရွှေဓါး အထက်ဆုံး ကာလဟု ယူဆပါသည်။ ယင်းကာလသည်အကန့်အသတ်တော့ရှိပါသည်။ ယခုအချိန်သည် ဗိုလ်သန်းရွှေ အာဏာမွန်းတည့်ချိန်။

ထို့အပြင် စစ်တပ်တွင်းနေရာချထားမှုကလည်း တိုင်းပြည်အတွက် အကျိုးရှိမည့် အပြောင်းအလဲကို မျှော်လင့်နိုင်စရာမရှိပါ။ ဘယ်သူပဲ သမ္မတဖြစ်ပါစေ။ ဘယ်သူပဲ ကာကွယ်ရေးဦးစီးချုပ်ဖြစ်ပါစေ။ စစ်အုပ်စုရှိနေသမျှ ၊ စစ်အာဏာရှင်စနစ် တည်ရှိနေသမျှ အခြေခံဥပဒေ (၂၀၀၈)အာဏာတည်နေသမျှ ပြည်သူများသည် စစ်မှန်သောဒီမိုကရေစီနှင့် အလှမ်းဝေးနေလိမ့်မည်။ စစ်မှန်သော ပြည်ထောင်စု တည်ထောင်နိုင်လိမ့်မည် မဟုတ်ပါ။ စစ်အာဏာရှင်စနစ်သည် စစ်အာဏာရှင်စနစ်အဖြစ်သာ တည်ရှိနေပါလိမ့်မည်။

သို့အတွက် ပြည်တွင်းပြည်ပ အင်အာစုအားလုံး၏ အဓိက ဦးတည်ချက်သည် စစ်အာဏာရှင်စနစ် အကုန်အစင်တိုက်ဖျက်ရေးသာ ဖြစ်မြဲဖြစ်သည်။

Download Boycott 2010 vol (2)

သြဂုတ်လ (၁၉) ရက်နေ့က အဲန်အယ်လ်ဒီ ဗဟိုအလုပ်အမှုဆောင် (၇)ဦးနှင့် ဗဟိုဦးစီးအဖွဲ့ဝင် (၈) ဦးတို့ တွေ့ဆုံဆွေးနွေးအပြီး ရွေးကောက်ပွဲကို သပိတ်မှောက်ရန် ဆုံးဖြတ်ခဲ့သည်။

၁၉၉၀ ပြည့် ရွေးကောက်ပွဲ၌ မဲဆန္ဒနယ် အားလုံး၏ (၈၂) ရာခိုင်နှုန်းကျော်အနိုင်ရခဲ့သော်လည်း အာဏာကို လွှဲပြောင်းရယူနိုင်ခြင်း မရှိခဲ့သည့် အန်အယ်လ်ဒီသည် ပြီးခဲ့သည့် မတ်လ (၂၉)ရက်နေ့က နိုင်ငံရေးပါတီအဖြစ် မှတ်ပုံတင်မည်မဟုတ်ဟု ဆုံးဖြတ်လျက် နအဖ စစ်အာဏာရှင်စနစ်ကို အသက်သွင်းမည့် ၂၀၀၈ အခြေခံဥပဒေကို ဗြောင်ဆန့်ကျင်အံတုလျက်ရှိသည်ကို ၀မ်းမြောက်ဖွယ်ရာ တွေ့မြင်ရသည်။

စစ်အာဏာရှင်စနစ်နှင့် ပြည်သူလူထုအကြား ဖြစ်ပွားလျက်ရှိသော မြန်မာလူ့အဖွဲ့အစည်း၏ ပဋိပက္ခသည် ပိုမိုနက်ရှိုင်းကျယ်ပြန့်လာသည့်နှင့်အမျှ သိမ်မွေ့ညင်သာစွာ ပြောင်းလဲလျက်ရှိသည်။ ငြိမ်းချမ်းချောမွေ့သောနည်းကို အသုံးပြုလျက် ပျော့ပြောင်းညင်သာစွာ အမျိုးသားပြန်လည်သင့်မြတ်ရေးကို ကြိုးပမ်းဖော်ဆောင်ခဲ့သော်လည်း စစ်အာဏာရှင်တို့၏ တဖက်သတ် လုပ်ရပ်ကြောင့် အရာမထင်ဖြစ်ရသည်။ သား၏ အကျိုးစီးပွားကို ငဲ့ကွက်သည့်အတွက် ဘီလူးမ၏လက်သို့ သားကို ထိုးအပ်လိုက်ရသကဲ့သို့ အဲန်အယ်လ်ဒီသည် ပြည်သူလူထုအကျိုးစီးပွားကို ရှေးရှု၍ အာဃာတကင်းစင်ပြီး အထွေထွေသဟဇာတဖြစ်စေသော နည်းလမ်းများကိုသာ အသုံးပြုခဲ့ရသဖြင့် ၁၉၉၀ ပြည့်ရွေးကောက်ပွဲရလဒ်ကို အကောင်အထည်ဖော်ရမည့် အခွင့်အရေးကို ဆုံးရှုံးခဲ့ရသည်။

မည်သို့ပင်ဖြစ်စေ အလံမလှဲပဲ အန္တရာယ်အသွယ်သွယ်ကို ကြံ့ကြံ့ခံရင်ဆိုင်မည်ဟူသော သံမဏိစိတ်ဓာတ်နှင့် တက်ကြွစွာလှုပ်ရှားနေကြသည့် အဲန်အယ်လ်ဒီအဖွဲ့ဝင်များ၏ ပုံရိပ်များသည် ပြည်သူများအတွက် အတုယူ အားကျဖွယ်ရာဖြစ်ပေသည်။ ခြိမ်းခြောက်မှု၊ အန္တရာယ်ပြုမှုမျိုးစုံကြားမှ အဲန်အယ်လ်ဒီ စတင်ဖွဲ့စည်းစဉ်ကတည်းက ထားရှိသည့် ရည်မှန်းချက်များ အောင်မြင်လာစေရေးအတွက် နှစ်ပေါင်း (၂၀)ကျော်ကြာ ကိုယ်ကျိုးစွန့်အနစ်နာခံလျက် တိုက်ပွဲဝင်နေဆဲပင် ဖြစ်သည်။

ယနေ့ကာလ သမိုင်းရေးရာလိုအပ်ချက်ဖြစ်သော “၂၀၀၈ အခြေခံဥပဒေဖျက်သိမ်းရေး” ဘုံလုပ်ငန်းစဉ်ကြီး၏ ရှေ့ဦးတိုက်ပွဲစ လုပ်ငန်းစဉ်နံပါတ် (၁) အနေဖြင့် ၂၀၁၀ ရွေးကောက်ပွဲသပိတ်မှောက်ရေးကို တနိုင်ငံလုံးအတိုင်းအတာဖြင့် ဆောင်ရွက်အပ်ပေသည်။ ယင်းတိုက်ပွဲအတွက် အဲန်အယ်လ်ဒီက စတင်ဦးဆောင်နေပြီဖြစ်သည်။ အဲန်အယ်လ်ဒီ၏ ယခုလ (၁၉)ရက်နေ့က ယင်းကဲ့သို့ ဆုံးဖြတ်လိုက်ခြင်းသည် စစ်အာဏာရှင်စနစ် မြေမြှုပ်သဂြိုလ် မည့် ခေါင်းတလားအား ပထမဆုံးထုနှက်လိုက်သည့် သံရိုက်သံအဖြစ် ဤဂျာနယ်မှ ဂုဏ်ပြုလိုက်ပါသည်။   ။ PDF file … အပြည့်အစုံသို့ >>>

DPNS/ ABSDF/ ABFSU-FAC ခေါင်းဆောင်များ

၁။ ဖိတ်ကြားထားသူများ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်ပါ။ ဦးအောင်မိုးဇော် ကျန်းမာရဲ့လားခင်ဗျ။
ဟုတ်ကဲ့ပါ ကျန်းမာပါတယ် ကျေးဇူးတင်ပါတယ်။

၂။ နောက်တစ်ဦးကတော့ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး ဥက္ကဋ္ဌ ကိုသံခဲပါ။
ဦးသံခဲရေ နေကောင်းရဲ့လားဗျ။ ဟုတ်ကဲ့ နေကောင်းပါတယ်ခင်ဗျ။

၃။ နောက်ဆုံးတစ်ဦးကတော့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ရဲ့ နိုင်ငံခြားရေးတာဝန်ခံ ဦးမင်းနိုင်ပါ။ ဦးမင်းနိုင်ရေ ကျန်းမာရဲ့လား။
ဟုတ်ကဲ့ခင်ဗျ နေကောင်းပါတယ်ခင်ဗျ။

ဦးခင်မောင်စိုး။    ။ သောတရှင်များခင်ဗျာ အခုဆိုရင် ၁၉၈၈ ပြည်သူ့ဒီမိုကရေစီအရေးတော်ပုံ ပေါ်ပေါက်ခဲ့တာ ၂၂ နှစ် ရှိသွားခဲ့ပါပြီ။ ဒီတစ်ပတ် တနင်္ဂ နွေစကားဝိုင်းမှာ ပါဝင်ဆွေးနွေးတင်ပြကြမယ့်ပုဂ္ဂိုလ်သုံးဦးဟာ အဲဒီ ၈၈ အရေးတော်ပုံကိုပါဝင်ဖြတ်သန်းခဲ့ကြပြီး လက်ရှိမြန်မာ့နိုင်ငံရေးမှာ သူတို့ယုံကြည်တဲ့ ကဏ္ဍ တွေကနေ ဆက်လက်ပါဝင်တဲ့သူ သုံးယောက်ဖြစ်ပါတယ်။ သူတို့ရဲ့ဖြတ်သန်းမှုနဲ့ လက်ရှိအတွေးအမြင်တွေကို ကျနော်တင်ပြဖို့ကြိုးစားပါမယ်ခင်ဗျာ။
အဲဒီတော့ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်ရေ ၁၉၈၈ အရေးတော်ပုံတုန်းက ဦးအောင်မိုးဇော်က ဘယ်မှာလဲ ဘာတွေလုပ်ခဲ့လဲ ကျနော်တို့ အကျဉ်းချုပ်ပြီး သိပါရစေခင်ဗျာ။

လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ

ဦးအောင်မိုးဇော် ။    ။ ကျနော်အဲဒီအချိန်ကဆို ပဲခူးတိုင်းအနောက်ခြမ်းပေါ့ သဲကုန်းမြို့နယ် ပြည်ခရိုင်။ ပြည်ခရိုင် သဲကုန်းမြို့နယ်မှာ။ အဲဒီဒေသမှာရှိတဲ့ ကျနော်တို့ ကျောင်းသားလူငယ်တွေ အဲဒီဒေသမှာရှိတဲ့ ဒီမိုကရေစီရေးလှုပ်ရှားတဲ့ပုဂ္ဂိုလ်တွေနဲ့ ကျနော်တို့စုစည်းဆက်စပ်ပြီးတော့ ကျနော်တို့ ရှစ်လေးလုံးအရေးတော်ပုံကြီးမှာ ကျနော်တို့ဒေသက တတ်တတ်ကြွကြွပါဝင်နိုင်ဖို့ ကြိုးစားနေတဲ့ အခြေအနေကာလ ဖြစ်ပါတယ်။

ဦးခင်မောင်စိုး။    ။ ဟုတ်ကဲ့ အဲဒီတော့ နောက်ကျတော့ ၈၈ အရေးတော်ပုံပြီးတော့ ကိုအောင်မိုးဇော်က ဘာတွေဆက်လုပ်ခဲ့လဲ နောက်။

ဦးအောင်မိုးဇော် ။    ။ ၁၉၈၈ အရေးတော်ပုံ အာဏာသိမ်းခံပြီးရတဲ့အခါကျတော့ ကျနော်တို့ ခဏရှောင်နေရတယ်။ အဲဒီနောက်ပိုင်းမှာ နိုင်ငံရေးပါတီတွေ တည် ထောင်ခွင့်တွေရှိလာတဲ့အခါကျတော့ ကျနော်တို့မြို့နယ်မှာရှိတဲ့ ကျနော်တို့ ကျောင်းသားသမဂ္ဂတစ်ဖွဲ့လုံးပေါ့ လူ့ဘောင်သစ်ဒီမိုကရက်တစ်ပါတီကို ဝင်ရောက်ခဲ့ တယ်။ အဲဒီကနေပြီးတော့ အခုချိန်ထိ ဒီကနေ့ မြန်မာပြည်နိုင်ငံရေးလှုပ်ရှားမှုမှာပါဝင်နေတာ ဖြစ်ပါတယ်ခင်ဗျ။

ဦးခင်မောင်စိုး ။    ။ ဟုတ်ကဲ့ ဦးအောင်မိုးဇော်ကျေးဇူးပဲ။ အဲဒီတော့ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦးရဲ့ ဥက္ကဋ္ဌ ဦးသံခဲခင်ဗျ။ ဦးသံခဲ ကရော ၈၈ က ဘယ်မှာလဲခင်ဗျ။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ဥက္ကဋ္ဌ

ဦးသံခဲ ။    ။ ကျနော် ၁၉၈၈ ခုနှစ်က ကျနော် မန္တလေးတိုင်း ကျောက်ဆည်မြို့နယ်မှာ ကျောင်းသားသမဂ္ဂဖွဲ့ဝင်တစ်ဦးအနေနဲ့ ပါဝင်ပြီးတော့မှ ဒီမိုကရေစီအရေးတော် ပုံကြီးမှာ ပါဝင်ခွင့်ရခဲ့ပါတယ်။ အဲဒီအချိန်က ကျနော်က ကျောင်းသားတစ်ယောက်ပါ  ဒါပေမယ့် ကျနော်တို့ယူဆတာက ၁၉၈၈ ခုနှစ်အရေးတော်ပုံကြီး ဒီကာလဟာ ကျနော်တို့တိုင်းပြည်မှာ မတရားတဲ့ မဆလစနစ်ဆိုးကြီးအောက်မှာ ကျနော်တို့ မိဘပြည်သူတွေရဲ့ နိစ္စဓူဝ စားဝတ်နေရေးတွေ ကျနော်တို့ ပတ်ဝန်းကျင်မှာရှိနေတဲ့ အလုပ်သမားပဲဖြစ်ဖြစ် လယ်သမားပဲဖြစ်ဖြစ် ရုန်းကန်နေကြရတဲ့လူတွေရဲ့ ဘဝမွန်းကြပ်မှုတွေ အကြပ်အတည်းတွေကို ကျနော်တို့တွေအနေနဲ့ ပါဝင်ပြီးတော့မှ ဒီစစ် အာဏာရှင် မဆလအာဏာရှင်အစိုးရကို တိုက်ထုတ်မှရမယ်ဆိုတဲ့အတွေးတွေနဲ့ ကျရာနေရာကနေ ကျနော်တို့ပါဝင်ခွင့်ရခဲ့ပါတယ်။

ဦးခင်မောင်စိုး ။    ။ ကိုသံခဲက နောက်ပိုင်းမှာ ABSDF ကို ဘယ်လိုရောက်ရှိလာတာလဲခင်ဗျ။

ဦးသံခဲ ။    ။    ။ ကျနော်တို့ ၁၉၈၈ စက်တင်ဘာလမှာ ကျနော်တို့ ဒီတိုင်းပြည်ကို နဝတက မတရားသဖြင့် အာဏာသိမ်းတယ် အဲဒီတပြိုင်နက်တည်းမှာပဲ ကျနော်တို့ မြင်တွေ့နေရတဲ့ မြင်ကွင်းတွေက တစ်ဖက်ကတော့ ရွေးကောက်ပွဲတွေ ကျင်းပပေးမယ်ပြောတယ်။ တစ်ဖက်ကတော့ ကျနော်တို့ နိုင်ငံရေးတက်ကြွနေတဲ့ သူတွေ ကျောင်းသားခေါင်းဆောင်တွေ နိုင်ငံရေးသမားတွေကို မတရားအမှုဆင် ဖမ်းဆီးပြီးတဲ့အခါကျတော့မှ နှစ်ရှည်လများတွေထောင်ချတယ်။ နောက်တစ်ခု ကတော့ နိုင်ငံရေးလွတ်လပ်ခွင့်တွေကို တစ်ဖက်က ထိမ်းချုပ်မှုတွေရှိတယ်။ ဒီအပေါ်မှာ ကျနော်တို့တွေအနေနဲ့ နဝတပြောနေတဲ့ ခုနကပြောတဲ့ ကတိစကားတွေကို ကျနော်တို့ ယုံကြည်မှုမရှိခဲ့ဘူး။  ဒီမိုကရေစီတိုက်ပွဲဟာ မပြီးပြတ်သေးဘူး ကျနော်တို့အနေနဲ့ ဒီတိုက်ပွဲကို ကျနော်တို့ လက်နက်စွဲကိုင်နေတဲ့ ဟုတ်လား  အမျိုးသား တန်းတူရေ ကိုယ်ပိုင်ပြဋ္ဌာန်းခွင့်တွေကိုတိုက်ပွဲဝင်နေတဲ့ တိုင်းရင်းသားတွေနဲ့ ကျနော်တို့လက်တွဲပြီးတော့မှ ကျနော်တို့ တိုက်ဖို့လိုအပ်တယ်။ ဒီတော့ လက်နက်ကိုင် တော်လှန်ရေးလည်း ဆင်နွှဲမယ်ဖို့လိုအပ်တယ်လို့ ကျနော်တို့ယူဆခဲ့တယ်။ ၁၉၈၈ စစ်တပ်က အာဏာသိမ်းပြီးတဲ့နောက်မှာ ကျနော်တို့ လွတ်မြောက်နယ်မြေကို ထွက်လာခဲ့တယ်။  အဲဒီနောက်မှာ ကျနော်တို့ ABSDF ရဲ့တပ်ဖွဲ့ထဲကို ကျနော်အနေနဲ့ ပါဝင်ထမ်းဆောင်ခွင့်ရခဲ့ပါတယ်။

ဦးခင်မောင်စိုး ။    ။ ဟုတ်ကဲ့ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်ရဲ့ နိုင်ငံခြားရေးတာဝန်ခံ ဦးမင်းနိုင်ကရောခင်ဗျ ၁၉၈၈ က ဘာတွေများ ဆောင်ရွတ်ခဲ့သလဲ သိပါရစေခင်ဗျ။

ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ်ရဲ့ နိုင်ငံခြားရေးတာဝန်ခံ

ဦးမင်းနိုင် ။        ။ ဟုတ်ကဲ့ ကျနော်အနေနဲ့ကတော့ ၁၉၈၈ ကာလမှာ ကျနော်တို့ ဒီ ဗကသ အနေနဲ့ပေါ့ ကျနော်တို့ လှိုင်မြို့နယ်ကနေပြီးတော့ ကျနော် ပါဝင်ခဲ့တာတွေရှိတယ်။ နောက်ပိုင်းမှာတော့ ကျနော်တို့ ဒီတိုင်းစည်းရုံးရေးကော်မတီမှာ ကျနော့်အနေနဲ့ ဆက်ပြီးတော့ တာဝန်ယူခဲ့တယ်။ နောက်ပြီးတော့ ၁၉၉၀ ကာလမှာကြတော့ ကျနော်တို့ အဖမ်းအစီးတွေတော်တော်လေး များတဲ့အခါကျတော့ ကျနော်တို့ ရှောင်တိမ်းရတာတွေရှိပါတယ်။  အဲဒီနောက်ပိုင်းမှာတော့ အဲဒီမှာ ကျနော့်အနေနဲ့ကတော့ ပြည်တွင်းမှာ ကျနော်တို့ ဗကသ အနေနဲ့က ၁၉၈၈-၈၉-၉၀ ကာလတွေလို ကျနော်တို့ လှုပ်ရှားခွင့် မသာာတော့တဲ့အခါမှာကျတော့ ကျနော်တို့ မြေအောက်ပုံသဏ္ဌာန်နဲ့  ကျနော်ဆက်ပြီးတာဝန်ယူပါတယ်။ ဗကသ ဗဟိုစည်းရုံးရေးကော်မတီတာဝန်ခံ တစ်ဦးအနေနဲ့ ကျနော်တာဝန်ယူခဲ့ပါတယ်။ အဲဒီယူပြီးတဲ့ နောက်ပိုင်းမှာ တောက်လျှောက်ပါပဲ  ပြည်တွင်းမှာပဲ ကျနော် ဗကသ ဗဟိုစည်းရုံးရေးကော်မတီ အနေနဲ့ကျနော်ဆက်ပြီး တာဝန်ယူခဲ့ရာကနေပြီးတော့ ၂၀၀၀ ခုနှစ်ပေါ့ နောက်ပိုင်းတွေမှာ ကျနော်ဘယ်လိုမှ ပြည်တွင်းမှာဆက်နေလို့မရတော့တဲ့အတွက် ဒီဘက်နယ်စပ်ကို တိမ်းရှောင်လာရတာဖြစ်တယ်။ အဲဒီကာလကနေစပြီးတော့ အခုဗကသ နိုင်ငံခြားရေးရာကော်မတီမှာ ကျနော်တာဝန်ခံတစ်ဦးအနေနဲ့ တာဝန်ဆက်ယူခဲ့ရတာဖြစ်ပါတယ်။

ဦးခင်မောင်စိုး ။    ။ ဟုတ်ကဲ့ ဦးမင်းနိုင် ကျေးဇူးတင်ပါတယ်။
သောတရှင်များခင်ဗျာ အခုပါဝင်ဆွေးနွေးနေကြတဲ့ ပုဂ္ဂိုလ်သုံးဦးဟာ ၁၉၈၈ ပြည်သူ့ဒီမိုကရေစီ အရေးတော်ပုံကြီးကာလမှာတော့ အသက် (၂၀) ပတ်ဝန်း ကျင်လူငယ်တွေပါ။ အခုတော့ သူတို့လည်း နှစ်ပေါင်း ၂၂ ကြာပြီးတဲ့အချိန်မှာ ရင့်ကျတ်တဲ့လူလတ်ပိုင်းကို ရောက်ရှိနေကြပါပြီ။ သူတို့ကိုယ်စားပြုတဲ့အဖွဲ့တွေ သူတို့ရဲ့ ရှုမြင်သုံးသပ်ချက်တွေ ကျနော်တို့ဆက်ပြီးနားဆင်ကြရမှာပါခင်ဗျ။
အဲဒီတော့ ဦးအောင်မိုးဇော်ရေ။ ဦးအောင်မိုးဇော်ဖြတ်သန်းခဲ့တဲ့ ၂၂ ကြာကာလကို ဘယ်လိုများဝေဖန်မလဲခင်ဗျာ။

ဦးအောင်မိုးဇော် ။    ။ ကျနော်အနေနဲ့ကတော့ ၂၂ နှစ်တာဖြတ်သန်းခဲ့တဲ့ ကာလတွေမှာ ကျနော် အားရကျေနပ်မူ ရခဲ့တာတွေရှိခဲ့တယ်။ အားရကျေနပ်မှု မရှိခဲ့တာတွေ စိတ်ပျက်စရာတွေလည်း အများကြီးကြုံတွေ့ခဲ့ရတယ်။ ဘယ်လိုဘဲဖြစ်ဖြစ် ကျနော်တို့ ၂၂ နှစ်သာဖြတ်သန်းခဲ့ရတဲ့ ကျနော်တို့ လှုပ်ရှားမှုတစ်ခုလုံး အပေါ်မှာတော့ ကျနော့်အနေနဲ့ ဒီနေ့အခြေအနေထိ ကျေနပ်တယ်လို့ ပြောချင်တယ်။ ဘာကြောင့် ကျနော်တို့ကျေနပ်သလဲဆိုတဲ့အခါကျတော့ ကျနော်တို့ ရှစ်လေးလုံး အရေးတော်ပုံကြီးရဲ့ အောင်သီးအောင်ပွင့်တွေဖြစ်တဲ့ ကျနော်တို့ နိုင်ငံရေးပါတီအဖွဲ့အစည်းတွေ နောက်ပြီးတော့ ၁၉၉၀ ပြည့်ရလဒ် နောက်တစ်ခုက  ကျနော်တို့ ဒီ ဒေါ်အောင်ဆန်းစုကြည် ကိုမင်းကိုနိုင်စတဲ့ ၁၉၈၈ ရှစ်လေးလုံးအရေးတော်ပုံကြီးရဲ့ အောင်သီးအောင်ပွင့်တွေကို ကနေ့အခြေအနေအထိ ကျနော်တို့ပါဝင်ပြီးတော့ ကျနော်တို့လှုပ်ရှားမှုကြီးကို ဆက်လက်ထိန်းသိမ်းထားနိုင်တုန်းပဲဖြစ်တယ်။ ဒီအတွက်တော့ ကျနော့်အနေနဲ့ အားရကျေနပ်တယ်လို့ ပြောချင်တယ်။ သို့သော်လည်း အခြားတစ်ဖက်မှာလည်းပဲ ၁၉၈၈ ရှစ်လေးလုံးအရေးတော်ပုံကြီးက ပေးအပ်လိုက်တဲ့တာဝန်တွေဖြစ်တဲ့ မြန်မာပြည် ဒီမိုကရေစီပြန်လည်ရရှိရေး အမျိုးသားတန်းတူ ရေး နောက်တစ်ခုက တိုင်းရင်းသားလူမျိုးစုတွေအားလုံး တန်းတူညီမျှရှိတဲ့  ဖက်ဒရယ်ပြည်ထောင်စုတည်ဆောက်ရေး စတဲ့ ကျနော်တို့ ရည်မှန်းချက်တွေကတော့ အခုချိန်ထိ အောင်မြင်သေးတာမရှိသေးဘူး။ ကျနော်တို့ဆက်ပြီးတော့ ကြိုးစားနေရတဲ့ အခြအနေမှာပဲရှိသေးတယ်။

ဦးခင်မောင်စိုး ။    ။ ဟုတ်ကဲ့ ဦးအောင်မိုးဇော် ကျေးဇူးပဲ။ အဲဒီတော့ ဗမာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး ဥက္ကဋ္ဌ ဦးသံခဲခင်ဗျ။  ဦးသံခဲ အနေနဲ့ရော ဒီ ၂၂ နှစ် ကာလမှာ ဘယ်လောက်အောင်မြင်မှုတွေရှိခဲ့ပြီလို့ သုံးသပ်လဲခင်ဗျ။

ဦးသံခဲ ။        ။ ဟုတ်ကဲ့ ကျနော်ပထမဆုံးပြောချင်တာက ကျနော်တို့ ရှစ်လေးလုံးဒီမိုကရေစီ အရေးတော်ပုံကြီးဟာ အန္တိမပန်းတိုင်းကိုတော့ ကျနော်တို့ မရောက်ခဲ့ဘူး။ သို့သော်လည်းပဲ ကျနော်တို့မရောက်သေးတာပဲလို့ ကျနော်တို့ အပြည့်အဝခံယူထားတယ်။ ဘာဖြစ်လို့လည်းဆိုတော့ ဒီလို ၂၂ နှစ်သမိုင်းကို ပြန် ကြည့်ရင် ကျနော်တို့မြန်မာနိုင်ငံ ပြည်သူလူထုရဲ့ ဒီမိုကရေစီတိုက်ပွဲတွေဟာ မတရားဖိနှိပ်မှုအောက်မှာ ထာဝရ ငြိမ်သက်နေတာမဟုတ်ဘူးလို့ ကျနော်ယူဆပါတယ်။ ကျနော်တို့တတွေဟာ ဒီတိုက်ပွဲ မျက်နှာစာပေါင်းစုံက အခက်အခဲပေါင်းစုံကနေပြီးတော့မှ ပြည်တွင်းမှာလည်း ပြည်တွင်းအလျှောက်၊ တော်လှန်ရေးနယ်မြေမှာလည်း တော်လှန်ရေးနယ်မြေအလျှောက်၊ နိုင်ငံတကာမှာလည်း နိုင်ငံတကာအလျှောက် ကျနော်တို့တတွေဟာ ရုန်းကန်ကြိုးစားနေရဆဲဖြစ်ပါတယ်။ ဒီတော့ ကျနော်တို့ ၂၂ နှစ်သမိုင်းမှာ ကျနော်တို့ သေသေချာချာပြန်ကြည့်တော့ အချိန်ကာလဟာ ကျနော်တို့ ၂၂ နှစ်ဆိုတဲ့ အချိန်ကာလ ကြာလာတာနဲ့အမျှ ကျနော်တို့တတွေဟာ ဘာပဲပြောပြော သင်ခန်းစာတွေကို ကောင်းကောင်းထုတ်နိုင်တဲ့အချိန်ရောက်ပြီလို့ ကျနော်ယူဆပါတယ်။ ဒီအပေါ်မှာ နံပါတ်တစ်ကတော့ ရှစ်လေးလုံးပြည်သူ့ ဒီမိုကရေစီ အရေးတော်ပုံကြီးဆိုတာဟာ ဒါဟာတတိုင်းပြည်လုံးဆိုင်တဲ့ အမျိုးသားရေးတောင်းဆိုချက်လည်း ဖြစ်ပါတယ်။ ဒါဟာဘာလဲဆိုရင် ဒီမိုကရေစီရရှိရေး မြန်မာပြည်ဟာ စစ်အာဏာရှင်စနစ်အောက်က လွတ်မြောက်ရေးပဲဖြစ်ပါတယ်။

ဒီတိုက်ပွဲကို တိုက်တဲ့နေရာမှာ ၂၂ နှစ်အတွင်းမှာ ကျနော်တို့ဟာ စနစ်တစ်ခုကို ပြောင်းလဲဖို့ တာစူနေပေမယ့် ကျနော်တို့လိုချင်တဲ့ ပန်းတိုင်မရောက်ဘူး။ ဘာကြောင့်မရောက်လဲ နံပါတ်တစ်ကတော့  ကျနော်တို့တတွေဟာ  ကျနော်တို့ရဲ့နိုင်ငံရေးဦး ဆောင်မှုတွေ ကျနော်တို့ရဲ့ နိုင်ငံရေးခေါင်းဆောင်မှုအသွင်မှာ ညီညွတ်မှုတွေ ခိုင်မာပြတ်သားတဲ့ရပ်တည်ချက်တွေ နောက်တစ်ချက်ကတော့ ကျနော်တို့ အချိန်ကိုက် ဆုံးဖြတ်ရမယ့် ဆုံးဖြတ်ချက်တွေမှာ လွဲချော်ခဲ့တာကို ကျနော်တို့တွေ့ပါတယ်။ အထူးသဖြင့်ကတော့ ၁၉၈၈ ပြည်သူ့ဒီမိုကရေစီအရေးတော်ပုံကြီးကာလထဲမှာ ကျနော်တို့တတွေဟာ အထွေထွေသပိတ်တိုက်ပွဲကြီးကို ဆင်နွဲနိုင်ခဲ့တယ်။ ဒါပေမယ့် အခုနကပြောခဲ့တဲ့ နိုင်ငံရေးအရဦးဆောင်မှုအပိုင်းမှာ ကျနော်တို့ ညီညွတ်မှု အချိန်ကိုက် သတ္တိရှိရှိဆုံးဖြတ်ခဲ့ရမယ့် ဆုံးဖြတ်ချက်တွေ လွဲချော်ခဲ့တဲ့အတွက် ကျနော်တို့တွေဟာ အောင်ပွဲနဲ့ဝေးခဲ့ဖူးပါတယ်။ ဒုတိယတစ်ချက်ကတော့ အရေးတော် ပုံကြီးဟာ ပန်းတိုင်းမရောက်ခဲ့ပေမယ့် ကျနော်တို့တတွေဟာ ပြည်သူလူထုဘဝတွေမှာ ဘာတွေဟာ အခက်အခဲလဲ အဟန့်အတားလဲဆိုတာ သေသေချာချာ မီးမောင်း ထိုးပြနိုင်ပါတယ်။ အဲဒီ ဒုတိယအချက်ကတော့ ကျနော်တို့မြန်မာပြည်ရဲ့ အဓိကလူမှုဘဝရဲ့ အခက်အခဲ အဟန့်အတားဟာ ဘာလဲဆိုရင် စစ်အာဏာရှင်စနစ်ပါပဲ။ ဒီစနစ်အောက်မှာ ကျနော်တို့လူမှုဘဝဟာ မဆလခေတ်ကတော့ ကမ္ဘာအဆင်းရဲဆုံးနိုင်ငံအဆင့်ကို ကျနော်တို့ရောက်တယ်။ ဒီနေ့ လူနေမှုအဆင့်အတန်းဟာ ပညာ ရေးပဲဖြစ် လူမှုရေးပဲဖြစ်ဖြစ် ကျန်းမာရေးပဲဖြစ်ဖြစ် အဆင့်အတန်းဟာ ကမ္ဘာ့အောက်ဆုံးကိုကျသွားတယ်။ ဒါဟာစစ်အာဏာရှင်စနစ်ဆိုတာကို ကျနော်တို့ ၂၂ သမိုင်း က မီးမောင်းထိုးပြပြီးဖြစ်ပါတယ်။ ဒါ ဒုတိယတစ်ချက်ပါ။

တတိယတစ်ချက်ကတော့ ကျနော်တို့ အရေးတော်ပုံကြီးကနေပြီးတော့မှ ကျနော်တို့ခေါင်းဆောင်မှုအသစ် တွေ မွေးဖွာပေးနိုင်တယ်။ တိုက်ပွဲပုံစံအသစ်တွေကို ကျနော်တို့ မွေးဖွားပေးနိုင်ပါတယ်။ အထူးသဖြင့်ကတော့ ခေါင်းဆောင်မှုအသစ်ဆိုရင် ကျနော်တို့လူထုခေါင်း ဆောင် ဒေါ်အောင်ဆန်းစုကြည်လို ကျနော်တို့နဲ့အတူ ၈၈မျိုးဆက်ခေါင်းဆောင်တွေ၊  ဦးဝင်းတင်တို့လို ခိုင်မာပြတ်သားတဲ့ လူထုဘက်ကရပ်တည်တဲ့ ခေါင်းဆောင် တွေကို မွေးထုတ်နိုင်တယ်။ တိုက်ပွဲပုံစံအသစ်တွေဆိုရင်လည်း ကျနော်တို့ ဒီနေ့ပြောနေတဲ့ ဒီမိုကရေစီတိုက်ပွဲဟာ ကျနော်တို့ အမျိုးသားတန်းတူရေး ကိုယ်ပိုင်ပြဋ္ဌာန်း ခွင့်တိုက်ပွဲတွေနဲ့ အတူတကွလက်တွဲ တိုက်ပွဲဝင်ကြမယ်ဆိုတဲ့ ရည်မှန်းချက်တွေကို ကျနော်တို့ ဒီကနေ့ အဆင့်တစ်ခုကိုရောက်ရှိသွားတာဟာ ကျနော်တို့ ၂၂ နှစ်ရဲ့ပေးဆပ်မှုလို့ ကျနော်တို့ ယူဆပါတယ်။

ဦးခင်မောင်စိုး ။    ။ ဟုတ်ကဲ့ ဦးသံခဲ ကျေးဇူးပါပဲ။ ဒီနေရာမှာတစ်ခုမေးပါရစေခင်ဗျ။ ဦးသံခဲတို့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးက လက်နက်ကိုင်တော်လှန်ရေးနဲ့ ဒီမိုကရေစီရရှိရေးတို့ ကြိုးပမ်းနေတဲ့အဖွဲ့ဖြစ်ပါတယ်။ လက်ရှိအခြေအနေမှာ လက်နက်ကိုင်တော်လှန်ရေးကြောင့် ဒီမိုကရေစီရနိုင်မယ့် အနေအထားကရော ဘယ်လောက်လောက်ရှိတယ်ထင်သလဲခင်ဗျ။

ဦးသံခဲ ။        ။ ကျနော်ပထမဆုံးပြောချင်တာက ကျနော်တို့ရင်ဆိုင်နေရတဲ့စနစ်ဟာ စစ်အာဏာရှင်စနစ်ဖြစ်ပါတယ်။ စစ်အာဏာရှင်စနစ်ကို ကျနော်ခုနက ပြောတဲ့ ပပျောက်အောင်တိုက်ပွဲဝင်ဖို့ဆိုရင် ကျနော်တို့အနေနဲ့ ယုံကြည်ထားတာက  တိုက်ပွဲပေါင်းစုံဆင်နွှဲဖို့လိုတယ်လို့ ကျနော်တို့ယူဆပါတယ်။ နောက် တစ်ချက် ကတော့ မြန်မာပြည်ရဲ့ စစ်အာဏာရှင်ဆန့်ကျင်ရေးသမိုင်း ကိုယ်ပိုင်ပြဋ္ဌာန်းခွင့်တိုက်ပွဲဝင်မှုသမိုင်းဟာ လက်နက်ဆွဲကိုင်ခုခံတော်လှန်တယ်ဆိုတဲ့ သမိုင်းကို ကျနော်တို့ ဖျောက်ဖျက်ပစ်လို့မရပါဘူး။ နိုင်ငံရေးပြဿနာတွေကို မှန်မှန်ကန်ကန်မဖြေရှင်းဘဲနဲ့ လက်နက်အားကိုးဖြေရှင်းနေသရွေ့ကာလပတ်လုံး လက်နက်ကိုင် တိုက်ပွဲတွေ ခုခံစစ်ပွဲတွေဟာ ဆက်လက်ပြီးရှိနေမယ်လို့ ကျနော်အခိုင်အမာယုံကြည်ပါတယ်။ ကျနော်တို့တွေဟာ တိုက်ပွဲပုံစံတစ်ခုတည်းနဲ့ တိုက်လို့မရဘူးလို့ ကျနော်တို့ယူဆ ပါတယ်။

ဦးခင်မောင်စိုး ။    ။ ဦးသံခဲ ကျေးဇူးပဲ။ အဲဒီတော့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်ရဲ့ နိုင်ငံခြားရေးတာဝန်ခံ ဦးမင်းနိုင်ခင်ဗျ။ ဦးမင်းနိုင်တို့ ဗကသ အဖွဲ့အနေနဲ့ရော ဒီ ၁၉၈၈ နောက်ပိုင်း အခုအချိန်အထိဖြတ်သန်းမှုတွေကို ဘယ်လောက်အောင်မြင်တယ် ဘယ်လောက်အကောင်အထည်ဖော်နိုင်တယ်လို့ မြင်ပါသလဲခင်ဗျ။

ဦးမင်းနိုင် ။        ။ ကျနော့်အနေနဲ့ပြောရမယ်ဆိုရင်တော့ ကျနော်တို့ ရှစ်လေးလုံးဒီမိုကရေစီအရေးတော်ပုံကြီးပေါ့ ဒီအရေးတော်ပုံကြီးဟာ အဓိက ကျနော်တို့ ပြည်သူတရပ်လုံး၊ ကျောင်းသားကအစရှိတယ်ဆိုပေမယ့် ကျနော်တို့ပြည်သူတရပ်လုံးပေါ့ ရဟန်းရှင်လူအားလုံးက ပါဝင်လာတဲ့အခါကျတော့ တကယ့်ကိုတိုက်ပွဲ အကြီးမားဆုံးပဲ။ မြန်မာပြည်သမိုင်းမှာ အင်မတန်ကြီးတဲ့ တိုက်ပွဲကြီးတစ်ခုဖြစ်သွားတယ်။ ဖြစ်သွားတဲ့အခါကြတော့ အဲဒီမှာ ကျနော်တို့ရလိုက်တဲ့ ရလဒ်တွေ ဘာလဲ ဆိုလို့ရှိရင် အဲဒီကာလက ၂၆ နှစ်လောက်ကို ကျနော်တို့တလျှောက်လုံးပေါ့ မြန်မာပြည်သူလူထုကို ဖိနှိပ်အုပ်စိုးထားတဲ့ လိမ်ညာလှည့်ဖြားထားတဲ့ မဆလတစ်ပါ တီအစိုးရကို ကျနော်တို့ ဖြုတ်ချလိုက်နိုင်တယ်။ ပထမတစ်ချက်ဖြစ်ပါတယ်။

နောက်တစ်ချက်က အဲဒီဖြုတ်ချလိုက်နိုင်မှုနဲ့အတူ မြန်မာပြည်ထဲမှာ တခါမှ မပေါ်ပေါက် ဖူးတဲ့ လူထုခေါင်းဆောင် ဒီမိုကရေစီခေါင်းဆောင်ဖြစ်တဲ့ ဒေါ်အောင်ဆန်းစုကြည်၊ ကိုအောင်မိုးဇော်လည်းပြောသွားပါတယ်။  မင်းကိုနိုင်တို့လို ဒုတိယ မျိုးဆက်ခေါင်း ဆောင်တွေ ဒါတွေ ပေါ်လာတာရှိတယ်။ နောက် ပိုပြီးတော့ အရေးကြီးတဲ့တစ်ချက်က ဘာလဲဆိုလို့ရှိရင် ကျနော်တို့ ၁၉၉၀ ပြည့်ရလဒ်လို့ပြောရမယ့် ပြည်သူ့ဆန္ဒအစစ် အမှန်ပေါ့ ဒါက ရှင်းရှင်းပြောရရင် သာမန်ရွေးကောက်ပွဲရလဒ်လို့ ကျနော်တို့မမြင်ဘူး။ ဒီရွေးကောက်ပွဲရလဒ်ဟာ ရှင်းရှင်းပြောရလို့ရှိရင် လူထုရဲ့တိုက်ပွဲတရပ် အနေနဲ့ကို ပေါ်ပေါက်ခဲ့တဲ့ ရလဒ်ဖြစ်တယ်။ ဒီရလဒ်ကိုကျနော်တို့ တကယ်ကိုဆုပ်ဆုပ်ကိုင်ကိုင် ယနေ့ထိ ၂၂ နှစ်တိုင်တိုင် ကျနော်တို့ဆုပ်နိုင်တာဖြစ်တယ်။ ဒါဟာ ကျနော်တို့အတွက် အင်မတန်းအရေးကြီးတဲ့ ရလဒ်ပါပဲ။ နောက် ကျနော်တို့ ကျန်တဲ့မျိုးဆက်အသီးသီးနဲ့ တိုင်းရင်းသားအင်အားစုတွေကြားထဲမှာ တခါမှမရဖူးတဲ့ ကျနော်တို့စုဖွဲ့မှုတွေဟာ ရရှိခဲ့တာဖြစ်ပါတယ်။ အဲဒီအပေါ်မှာ ကျနော်တို့ ကျောင်းသားတပ်မတော်ဆိုတာပေါ်လာတယ်။

ကျောင်းသားတပ်မတော်နဲ့အတူ တိုင်းရင်း သားအင်အားစုတွေနဲ့ နားလည်မှုတွေ ညီညွတ်မှုတွေ ကျနော်တို့ရရှိနိုင်ခဲ့တာဟာ ဒီ ၂၂ နှစ်တာ ကာလအတွင်းက ရလဒ်တွေဖြစ်ပါတယ်။ တစ်ခုရှိတယ် ကျနော်တို့ ဟာဒီကနေ့ထိ အဆုံးမသတ်နိုင်သေးတာကတော့  သေချာတယ်။ တကယ်အားလုံးမျှော်လင့်ထားတဲ့ ပန်းတိုင်ပေါ့ဗျာ။ ပန်တိုင်းဆိုတာက တကယ့်စစ်အာဏာရှင် စနစ်ကို ဖျက်သိမ်းချင်တယ်။ ဒါလူထုတရပ်လုံးရဲ့ ဆန္ဒဖြစ်တယ်။ နောက်ပြီးတော့ ဒီမိုကရေစီပထမဦးဆုံးခြေလှမ်းအဆင့်ပေါ့ မုဒ်ဦးဝလောက်ထိ ရောက်နိုင်တဲ့ ခြေလှမ်းအဆင့်ထိတောင် အခုမရောက်နိုင်သေးတဲ့ အနေအထားကတော့ ဒါ ဒီနေ့ကျနော်တို့လိုအပ်ချက်ပဲ အားနည်းချက်တွေကြောင့်ဖြစ်မယ်လို့ ကျနော်ထင်ပါတယ်။

ဦးခင်မောင်စိုး ။    ။ ဟုတ်ကဲ့ ဦးမင်းနိုင်ရေ  ကျေးဇူးပဲ။ ဦးအောင်မိုးဇော် စပြီးတော့ ပြောပါလားခင်ဗျ ကျနော်တို့ အခုမြန်မာပြည်သူတွေ ဒီနေ့ထိဘာကြောင့် ဒီမိုကရေစီမရငေူတာလဲခင်ဗျ။

ဦးအောင်မိုးဇော် ။    ။ ကျနော်လေ့လာမှတ်သားဖူးတဲ့ အယူအဆတစ်ခုကို ပထမဦးဆုံးတင်ပြချင်ပါတယ်။ အဲဒါကတော့လူ့အဖွဲ့အစည်းတစ်ခုမှာ တိုင်းပြည်တစ်ခုမှာ အပြောင်းအလဲတစ်ခုကိုသွားချင်တယ်ဆိုလို့ရှိရင် အခြေခံအာဖြင့် အချက်နှစ်ချက်လိုအပ်တယ်လို့  ကျနော်မှတ်သားဖူးပါတယ်။ ပထမတစ်ချက်ကတော့ ပြည်သူလူ ထုရဲ့ဆန္ဒ ပြည်သူလူထုတရပ်လုံးက ပြောင်းလဲချင်တဲ့ဆန္ဒ ပြင်းပြဖို့လိုအပ်တယ် ဒါတစ်ခုဖြစ်ပါတယ်။ ဒုတိယတစ်ချက်ကတော့ အုပ်ချုပ်တဲ့ပုဂ္ဂိုလ်တွေကလည်း အပြောင်းအလဲ လိုအပ်လာပြီဆိုတာ သဘောပေါက်လာတဲ့အခြေအနေမျိုး ဖြစ်ဖို့လိုပါလိမ့်မယ်။

အဲဒီလိုအခြေအနေ နှစ်ခုတိုက်ဆိုင်တဲ့ အချိန်မှာ အပြောင်းအလဲတွေ ကြီးကြီးမားမားဖြစ်ပေါ်လေ့ရှိတယ်ဆိုတဲ့ အယူအဆတစ်ခုကို ကျနော်တို့ရဲ့ နောင်တော့်နောင်တော် ရဲဘော်တွေကတဆင့် ကျနော်လေ့လာမှတ်သားဖူးပါတယ်။ ကျနော်တို့တိုင်းပြည်အနေအထားအရ ကြည့်မယ်ဆိုလို့ရှိရင် ၂၂ နှစ်တာကာလကို ကျနော်တို့ပြန်ကြည့်မယ်ဆိုလို့ရှိရင် ကျနော်တို့ ပြည်သူတွေက လှည်းနေလှေ အောင်း မြင်းဇောင်းမကျန် အပြောင်းအလဲကို လိုလားတယ်ဆိုတာကို ထပ်ခါတလဲလဲ ကျနော်တို့ပြခဲ့ပြီးဖြစ်ပါတယ်။ ၁၉၈၈ မှာ ရှစ်လေးလုံးအရေးတော်ပုံကြီးနဲ့ တစ်ကြိမ်၊ ၁၉၉၀ ပြည့်ရွေးကောက်ပွဲရလဒ်ကလည်း တစ်ဆင့် နောက်တစ်ခုကလည်းပဲ နောက်ဆုံး ၂၀၀၇ အရေးတော်ပုံထိပေါ့နော် ကျနော်တို့ ပြည်သူတွေက ကျနော်တို့တိုင်းပြည်မှာ အပြောင်းအလဲလိုအပ်နေပြီဆိုတာကို ထပ်ခါထပ်ခါ ကျနော်တို့ ဒီ အုပ်ချုပ်တဲ့ပုဂ္ဂိုလ်တွေကိုရော နိုင်ငံတကာတွေကိုရော ထပ်ခါထပ်ခါ ပြခဲ့ပြီးဖြစ်ပါတယ်။

ဒါပေမယ့် တစ်ဖက်က ကျနော်တို့တိုင်းပြည်ရဲ့အာဏာကို အဓမ္မရယူထားတဲ့ပုဂ္ဂိုလ်တွေက ပြည်သူတွေရဲ့ဆန္ဒကို ကနေ့အခြေအနေထိ လစ်လျူရှု နေတဲ့ အနေအထားဖြစ်ပါတယ်။ ပြည်သူတွေရဲ့ဆန္ဒကို ကနေ့အခြေအနေထိ လစ်လျူရှုနေတဲ့အတွက် ကျနော်တို့နိုင်ငံမှာ အပြောင်းအလဲဟာ တစုံတရာအပြောင်း အလဲဟာ ကျန့်ကြာနေတာဖြစ်လိမ့်လို့ ကျနော့်အနေနဲ့ယူဆပါတယ်။ အဲဒီတော့ ကျနော်တို့ဘာလုပ်ရမလဲ အဲဒီပုဂ္ဂိုလ်တွေမပြောင်းချင်လည်း ပြောင်းလဲချင်လာအောင် ကျနော်တို့ နည်းလမ်းသဏ္ဌာန်ပေါင်းစုံနဲ့ ဆက်ပြီးတော့ ကျနော်တို့ ဖိအားပေးဖို့ပဲ ကျနော်တို့မှာ ရှိတယ်လို့ ကျနော့်အနေနဲ့ အဲဒီလိုယူဆပါတယ်။

ဦးခင်မောင်စိုး ။    ။ ဟုတ်ကဲ့ ဦးအောင်မိုးဇော်ကျေးဇူးပဲ။ တစ်ခုမေးပါရစေ ဦးအောင်မိုးဇော်အခုပြောသွားတဲ့ လူထုရဲ့ဒီမိုကရေစီလိုအင်ဆန္ဒ နောက်တစ်ခုက လက်ရှိအုပ်ချုပ်နေတဲ့ အစိုးရရဲ့ပြောင်းလဲလိုတဲ့ဆန္ဒ ဒီနှစ်ခုထောက်ပြသွားတယ်။ ဒီမိုကရေစီရရှိရေးလုပ်ရှားနေတဲ့ ဦးအောင်မိုးဇော်ပဲဖြစ်ဖြစ် ဦးသံခဲပဲဖြစ်ဖြစ် ဦးမင်း နိုင်ပဲဖြစ်ဖြစ် ပြည်တွင်း NLD ပဲဖြစ်ဖြစ် တခြားအဖွဲ့အစည်းတွေပဲဖြစ်ဖြစ် အဲဒီအဖွဲ့အစည်းတွေရဲ့တာဝန်ကရော ဘယ်ကဏ္ဍကပါတယ်လို့ မြင်သလဲခင်ဗျ။

ဦးအောင်မိုးဇော် ။    ။ ကျနော်တို့မှာ တာဝန်မရှိဘူးလို့မပြောပါဘူး။ ကျနော်တို့မှာ တာဝန်ရှိပါတယ်။ ဒါပေမယ့် တပြိုင်နက်တည်းမှာ ကျနော်တို့တွေဟာ လူထု တွေထဲက အစိတ်အပိုင်းတစ်ခုပဲ ဖြစ်ပါတယ်။ ဒီအတွက် ပြည်သူလူထုတွေ နိုးကြားလားအောင် ပြည်သူလူထုနဲ့အတူ လက်တွဲပြီးအလုပ်လုပ်နိုင်အောင် ပြည်သူ လူထုနဲ့အတူ ဒီနေ့အုပ်ချုပ်နေတဲ့ စစ်အုပ်စုကိုဆက်ပြီးတော့ ခုနကလို အပြောင်းအလဲလုပ်ချင်တဲ့စိတ်ပေါ်လာအောင်လို့ ကျနော်တို့ဆက်ပြီးတော့ ဖိအားပေးကြရမှာပဲ ဖြစ်ပါတယ်။ ဒီနေရာမှာတော့ ကျနော်တို့ဖက်က အခြေခံအားဖြင့် ကျနော်တို့ဖက်က ဒီ ၂၂ နှစ်တာကာလအတွင်းမှာ ဒီမိုကရေစီရေးလှုပ်ရှားတဲ့ အင်အားစုတွေဘက်က လိုကောင်းလိုနိုင်တာတွေ ရှိနိုင်ပါတယ်။ အများကြီးရှိနိုင်ပါတယ်။

အတွေ့အကြုံထဲက သင်ခန်းစာတွေထုတ်ပြီးတော့ နောင်လုပ်မယ့် လုပ်ငန်းတွေမှာ ရှေ့သွားမယ့် ခရီးမှာ အဲဒီသင်ခန်းစာတွေကိုယူပြီးတော့ ကျနော်တို့ ရှေ့ဆက်ချီတက်ရပါလိမ့်မယ်။ ဥပမာအားဖြင့်ဆိုလို့ရှိရင်တော့ ကျနော်တို့ဒီမိုကရေစီးရေး လှုပ်ရှားမှုထဲမှာ ဟန်ချက်ညီအလုပ်လုပ်နိုင်မှု၊ လွန်ခဲ့တဲ့ ၂၂ နှစ်အတွင်းမှာ အင်မတန်နည်းခဲ့တဲ့ အကြိမ်ပေါင်းတွေ အများကြီးရှိခဲ့ပါတယ်။ ခုနက ကိုသံခဲထောက်ပြသွားသလိုပဲ တချို့ရဲရဲတင်းတင်းဆုံးဖြတ်ရမယ့် အခြေအနေမျိုးတွေမှာ ဦးဆောင်မှုက ရဲရဲတင်းတင်းမဆုံးဖြတ်နိုင်ခဲ့တဲ့ အနေအထားမျိုးတွေ ရှိကောင်းရှိခဲ့နိုင်ပါတယ်။ အဲဒီလိုရှိ ခဲ့နိုင်တဲ့ ကျနော်တို့ရဲ့ချို့ယွင်းချက်တွေကို သင်ခန်းစာယူပြီးတော့ ကျနော်တို့ရှေ့ဆက်အလုပ်လုပ်တဲ့နေရာမှာ ဒါတွေကို သတိချပ်ပြီးတော့ သွားကြရမှာပါ။

တပြိုင်နက် တည်းမှာ အရေးကြီးတာက အခုအနေအထားမှာကျနော်တို့ ရှစ်လေးလုံးအရေးတော်ပုံဖြစ်ခဲ့တာ ၂၂ နှစ်ရှိသွားပြီ ကျနော်တို့လည်း လူငယ်အရွယ်မဟုတ်တော့ဘူး။ လူလတ်အရွယ်တန်းတွေကို ရောက်နေကြပြီ အရေးကြီးဆုံးက နောက်ထပ်လူငယ်မျိုးဆက်သစ်တွေ ကျနော်တို့နဲ့ မျက်ခြေမပြတ်ဖို့ ကျနော်တို့နဲ့ပြတ်မသွားဖို့ အရေး ကြီးတယ်။ ကျနော်တို့လှုပ်ရှားမှုထဲမှာ နောက်ထပ်လူငယ်မျိုးဆက်သစ်တွေ ထပ်ခါထပ်ခါပါလာနိုင်ဖို့ဟာ အလွန်အရေးကြီးတယ် ယနေ့ကာလမှာ အလွန်ရေးကြီး တယ်လို့ ကျနော့်အနေနဲ့တော့ထင်ပါတယ်။ လူငယ်မျိုးဆက်သစ်နဲ့အတူ လက်တွဲပြီးတော့ နောက်လာမယ့်တိုက်ပွဲတွေကို ကျနော်တို့ ဆက်ပြီးတော့ဆင်နွှဲရမှာဖြစ် တယ်လို့ ကျနော်အနေနဲ့ အဲဒီလိုယူဆပါတယ်။

ဦးခင်မောင်စိုး ။    ။ ဟုတ်ကဲ့ ဦးအောင်မိုးဇော်ကျေးဇူးပဲ။ အဲဒီတော့ ဦးသံခဲရေပြောပါဦး ဘာတွေဆက်လုပ်သင့်သလဲခင်ဗျ။

ဦးသံခဲ ။        ။ နံပါတ်တစ်အနေနဲ့ ၂၂ နှစ်သာကာလအတွင်းမှာ ကျနော်တို့တွေဟာ ပန်းတိုင်ကိုမရောက်သေးဘူး။ ဒါပေမယ့် မရောက်သေးတာပဲဖြစ်တယ်။ ဒါဟာဘာလဲဆိုရင် မြန်မာပြည်သူလူထုရဲ့ အခြေအနေဟာ အထွေထွေအကြပ်အတည်းတာ အင်မတန်ကြီးမားပါတယ်။  ၁၉၈၈ ခုနှစ်က ကာလကဲ့သို့ အထွေထွေ အကြပ်အတည်းဟာ လူထုဘဝမှာ အသိသာဆုံးပါပဲ။ အဲဒီလိုအခြေခံအောက်မှာ အထွေထွေမကျေနပ်မှုတွေဟာ တဖြည်းဖြည်းကြီးနေတယ်။ တပြိုင်နက်ထည်းမှာ ကျနော်တို့ယူဆတာက နံပါတ်တစ်ကတော့ လူထုရဲ့အထွေထွေမကျေနပ်မှုတွေက ကျနော်တို့သင်ခန်းစာထုတ်ဖို့လိုပါတယ်။ အထွေထွေသပိတ်ဆိုတာဟာ စနစ်တစ်ခု ပြောင်းလဲဖို့ဖြစ်နိုင်ပေမယ့် နိုင်ငံရေးကိုအဆုံးဖြတ်ပေးဖို့အတွက် နိုင်ငံရေးခေါင်းဆောင်တွေမှာ တာဝန်ရှိတယ်ဆိုတဲ့ ဆုံးဖြတ်ချက်ဟာ ကျနော်တို့ အင်မတန်မှ သင်ခန်း စာထုတ်သင့်ပါတယ်။

ဒီတော့ ကျနော်တို့ပြောချင်တာက ဒီနေ့ နအဖစစ်အစိုးရဟာ ခုအခြေအနေမှာလည်း ဟုတ်လား မတရားတဲ့ ဥပဒေတွေထုတ်ထားတယ်။ မတရားတဲ့ စည်းမျဉ်းတွေဆွဲထားတယ်။ ဒီနေ့ ၂၀၀၈ ဖွဲ့စည်းအုပ်ချုပ်ပုံဆိုတာလည်း စစ်တပ်အုပ်ချုပ်ရေးဖွဲ့စည်းပုံပါပဲ။ စည်းကမ်းပြည့်ဝတဲ့ ဒီမိုကရေစီကို ၂၀၀၈ ဖွဲ့စည်းပုံနဲ့သွားမယ့်ဟာ ပါလီမန်ကလည်း စစ်ပါလီမန်ပါပဲ။ ဒီအခြေခံအောက်မှာ ကျနော်တို့တတွေဟာ အယူအဆတွေရှိလာတယ်။ တချို့နိုင်ငံရေးလုပ်နေတဲ့ လူတွေကြားထဲမှာ အယူအဆတွေရှိလာတယ်။ ဒီအယူအဆဟာ ဘာလဲဆိုရင် တိုက်မရရင်ပေါင်းဆိုတဲ့ အယူအဆပဲ။ ဒီအယူအဆဟာ လုံးဝမူမဲ့ အလျှော့ပေးရေးလို့ ကျနော်တို့ ယူဆပါတယ်။ ဒါကိုကျနော်တို့ နံပါတ်တစ်ကတော့ နိုင်ငံရေးမှာ ထဲထဲဝင်ထိပ်တန်းကနေဦးဆောင်နေတဲ့ လူတွေအနေနဲ့ ဒါကို ရဲရဲတင်းတင်း ဆန့်ကျင်ရမယ်လို့ ကျနော်ထင်ပါတယ်။

ကျနော်တို့မှာ နိုင်ငံရေးအရ စံတန်ဖိုးသတ်မှတ်ချက်တွေ ၂၂ နှစ်အတွင်းမှာပဲဖြစ်ဖြစ်၊ အရေးတော်ပုံကြီးကပေးထားတဲ့ ထိန်းသိမ်းရမယ့် တာဝန်တွေရှိပါတယ်။ အဲဒါဟာဘာလဲဆိုရင် ကျနော်တို့တတွေဟာ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ မတရားအကျဉ်းချထားတဲ့ နိုင်ငံရေးအကျဉ်း သားတွေရဲ့မျက်နှာ သူတို့ရဲ့လွတ်မြောက်ရေး ၁၉၉၀ ရွေးကောက်ပွဲ နောက်တစ်ချက်ကတော့ နိုင်ငံရေးပြဿနာတွေကို နိုင်ငံရေးနည်းအရ မဖြေရှင်းဘဲနဲ့ တဖက်သတ် စစ်အုပ်ချုပ်ရေးကိုသွားမယ့်ဟာမျိုးကို အလျှော့ပေးပြီးတော့မှ စေ့စပ်ရေးဆိုတာ ကျနော်တို့လုံးဝ မဖြစ်နိုင်ပါဘူး။ ဒါဟာ အလျှော့ပေးရေးလမ်းစဉ်ဖြစ်တဲ့ အတွေး အခေါ်ဖြစ်တဲ့အတွက် နံပါတ်တစ်ကတော့ ဒါကိုနိုင်ငံရေးအရ ဝိုင်းဝန်းဟန့်တားပစ်ဖို့လိုပါတယ်။ ဒုတိယတစ်ချက်ကတော့ နအဖလုပ်နေတဲ့ ဒီစစ်အုပ်ချုပ်ရေးကို တရားဝင်မှုဖြစ်အောင်ဒီနေ့လုပ်နေတဲ့ လုပ်ဆောင်ချက်တွေကို ကျနော်တို့လူထုအားနဲ့ဟန့်တားနိုင်ဖို့ ကျနော်တို့ကြိုးစားရပါလိမ့်မယ်။

ဒါပေမယ့် သေချာတာတစ်ခုက အကြွင်းမဲ့အမှန်တရားကတော့ လူထုဆန္ဒသဘောထားမရှိတဲ့ လူထုဘဝတိုးတက်ဖွံ့ဖြိုးမှုကို အာမခံမှုမရှိတဲ့ ဘယ်စနစ်မျိုးကိုမဆို လူထုရဲ့ဆန့်ကျင်မှုကို ခံရမှာပဲ။ ဒီတော့ အထွေထွေအကြပ်အတည်းဟာ အထွေထွေမကျေနပ်မှုကို ဖြစ်နိုင်တယ်။ အထွေထွေမကျေနပ်မှုဟာ အထွေထွေသပိတ်ကိုဖြစ်နိုင်တယ်။ ဒီအခြေခံအောက်မှာ နိုင်ငံရေးအရ ရပ်တည်နေကြတဲ့ ခေါင်းဆောင်တွေရဲ့ ခိုင်မာမှုတွေ သတ္တိရှိတဲ့ဆုံးဖြတ်ချက်တွေ လူထုအပေါ်မှာ နိုင်ငံရေးအရလမ်းညွှန်မှုတွေဟာ ကျနော်တို့ အင်မတန်မှ အရေးကြီးလာတယ်။  ဒါကြောင့်မို့လို့ ၁၉၈၈ အရေးတော်ပုံကြီးကပေးခဲ့တဲ့  ၉၀ ပြည့်နှစ် ရွေးကောက်ပွဲရလဒ်ကို ခုနက ကျနော်တို့ ဆက်ပြီး ထိန်းသိမ်းဖို့လိုတယ်။ လူထုခေါင်းဆောင် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေရဲ့ မှန်ကန်တဲ့ရပ်တည်ချက်တွေအပေါ်မှာ ကျနော်တို့ နောက်ကနေ ပြီးတော့မှ ပြည့်ပြည့်ဝဝထောက်ခံထားဖို့လိုပါတယ်။

ကျနော်တို့သတ်မှတ်ထားတဲ့ ဒီမိုကရေစီစံတွေ အမျိုးသားရေးကိုယ်ပိုင်ပြဋ္ဌာန်းခွင့်စံတွေ မရှိတဲ့အောက်မှာ ကျနော်တို့တွေဟာ အလျှော့ပေးစေ့စပ်ရေးကို ငြင်းပယ်ထားဖို့လိုတယ်။ ဒီဟာနဲ့အတူ လူထုတွေပါတဲ့ စည်းရုံးလှုပ်ရှားမှုတွေကို ကျနော်တို့တွေအနေနဲ့ ပြင်ဆင်မှုရှိရှိနဲ့ လုပ်ရမယ် နောက်တစ်ခုက နအဖအတွက် ကျနော်တို့ ဖိအားပေးနိုင်တဲ့ လုပ်ငန်းစဉ်တွေကို ကျနော်တို့ ဖော်ထုတ်ရမယ်။ အတတ်နိုင်ဆုံးဒါတွေကို ပြင်ပြင်ဆင်ဆင်နဲ့ ဖော်ထုတ်ရမှာ ဒီနေ့တာဝန်လို့ပဲ ကျနော်ယူဆပါတယ်။

ဦးခင်မောင်စိုး ။    ။ ဟုတ်ကဲ့ ဦးသံခဲ ကျေးဇူးပါပဲ ခင်ဗျ။ ဦးမင်းနိုင်ရော ပြောပါဦးခင်ဗျ။ ဦးသံခဲနဲ့ ဦးအောင်မိုးဇော်ပြောသွားတာတွေကို ဘယ်လိုမြင်လည်း။

ဦးမင်းနိုင် ။    ။     ။ ဟုတ်ကဲ့ ကိုအောင်မိုးဇော်ရော ကိုသံခဲရောပြောသွားတဲ့ အချက်တွေပေါ်မှာ ကျနော်လက်ခံတယ် သဘောလဲတူပါတယ်။ ဒါပေမယ့် ကျနော်အနေနဲ့ ထပ်ပြီးပြောချင်တာက ဒီနေ့ကာလမှာ ကျနော်တို့ အဓိကလိုအပ်နေတဲ့ အချက်က ၈၈ အရေးတော်ပုံကြီးမှာ ကျနော်တို့ ဘာတွေအားနည်းခဲ့သလဲ ဆိုတဲ့ အချက်တွေကို ကျနော်တို့ ပြန်ပြီးတော့ အင်အားစုအသီးသီးက ပြန်ပြီး သင်ခန်းစာထုတ်ဖို့လိုမယ်။ ဒါကတစ်ချက်ဖြစ်တယ်။ နောက်တစ်ချက်က ယနေ့ကာလမှာ  အဓိကလိုအပ်နေတာက တစ်စုကောင်း တစ်ဖွဲ့ကောင်း တစ်ယောက်ကောင်းနဲ့မရဘူး။ အဲဒီအခါကျတော့ ကျနော်တို့အင်အားစုတွေ အားလုံးဟာ စုစည်းနိုင်တဲ့ အရင်တုန်းကလည်း ကျနော်တို့ပြောပြောနေလေ့ရှိတဲ့ အမျိုးသားနိုင်ငံရေးတပ်ပေါင်းစု အဲဒီအင်အားစုဖွဲ့မှုပေါ့ အဲဒီအင်အားစုဖွဲ့ကလည်း ပြည်သူတွေရဲ့ အားကို အခြေခံနိုင်တဲ့ အင်အားစုဖွဲ့မှုဖြစ်ဖို့လိုတယ်။ နောက်တစ်ချက်က ကျနော်တို့က သဏ္ဌာန်အရမဟုတ်ဘဲနဲ့  တကယ့်အနှစ်သာရအရ မြန်မာပြည်မှာ တကယ့်လက်တွေ့ ပေါ့ အနိမ့်ဆုံးဘုံလုပ်ငန်းစဉ်အရ အနိမ့်ဆုံးဆုံနိုင်တဲ့ လုပ်ငန်းစဉ်အရ စုဖွဲ့နိုင်တဲ့ အမျိုးသားနိုင်ငံရေးတပ်ပေါင်းစု အနှစ်သာရရှိတဲ့ တပ်ပေါင်းစုကို ကျနော်တို့ဖွဲ့နိုင်ဖို့လို ပါတယ်။ ဒါကို ပါးစပ်နဲ့ပြောနေလို့မရဘူး။ နောက်စာရွတ်ပေါ်မှာ ရေးချနေလို့မရဘူး။

ကျနော်တို့ ဆိုင်းဘုတ်ထောင်လို့လည်းမရဘူး။ ဒါသိပ်ကျိန်းသေတဲ့ ကိစ္စပါ။ အဲဒီအခါကျတော့ ကျနော်တို့ဟာ တကယ့်အနှစ်သာရရှိတဲ့ ခုနကပြောတဲ့ အမျိုးသားနိုင်ငံရေးတပ်ပေါင်းစုပေါ့ဗျာ။ အဲဒီတော့ ဘုံလုပ်ငန်းစဉ်အနေနဲ့ဆိုရင်ပေါ့ဗျာ ကျနော့်အနေနဲ့မြင်တာ ဒီနေ့ကာလမှာ ကဲ ကျနော်တို့စကြအောင်၊ ဒီ ၂၀၀၈ တကယ့်စစ်အာဏာရှင်စနစ်ကို သက်ဆိုးရှည်စေမယ့်၊ ထာဝရတည်မြဲအောင်လုပ်မယ် ဆိုတဲ့ ၂၀၀၈ ဖွဲ့စည်းပုံကို ကျနော်တို့ ဒီနေ့လူထုနဲ့အတူတူ ဘယ်လိုတိုက်မလဲ။ နောက်တစ်ချက် ဒီ ၂၀၀၈ ဖွဲ့စည်းပုံကြီးကို အသက်ဝင်လာစေမယ့် ၂၀၁၀ ရွေးကောက်ပွဲကို ကျနော်တို့ ဘယ်လိုဆန့်ကျင်ကြမလဲ ဘယ်လိုသပိတ်မှောက်ကြမလဲဆိုတာကနေ ကြည့်ဖို့လိုမယ်လို့ ကျနော်ပြောလိုပါတယ်ခင်ဗျ။

ဦးခင်မောင်စိုး ။    ။ ဟုတ်ကဲ့ကျေးဇူးပါပဲ ဦးမင်းနိုင်ရေ။ အခု ကျနော်တို့ RFA စကားဝိုင်းအတွက်ပေးထားတဲ့ အချိန်က တော်တော်လေးနည်းသွားပါပြီ။ အခုပါဝင် ဆွေးနွေးတဲ့ ပုဂ္ဂိုလ်သုံးဦးက ကျနော်တို့ ရှစ်လေးလုံးအရေးတော်ပုံ ၂၂ နှစ်မြောက်ကာလမှာ မြန်မာပြည်ရဲ့ အနာဂါတ်ကိုဘယ်လိုမြင်သလဲဆိုတာ ပုဂ္ဂိုလ်များပြောချင် တာလွတ်လပ်စွာ ပြောနိုင်ပါတယ်ခင်ဗျာ။ မိနစ်အနည်းငယ်စီ ဦးအောင်မိုးဇော်က စပြီးပြောပါလားခင်ဗျာ။

ဦးအောင်မိုးဇော် ။    ။ ကျနော်တို့ရဲ့အနာဂါတ်ကို ကျနော်တို့ ယုံကြည်ပါတယ်။ ကျနော်တို့တိုင်းပြည်မှာ မလွဲမသွေ ဒီမိုကရေစီနဲ့ ငြိမ်းချမ်းရေးကိုရရှိမှာဖြစ်ပါတယ်။ ဒီနေရာမှာ ဆက်ပြီးနည်းနည်းလေးပြောချင်တာက ဒါတွေကိုသွားနိုင်ဖို့အတွက်ကို ပထမဦးဆုံးလုပ်ရမယ့် ကျနော်တို့အလုပ်ကတော့ အခုလာမယ့် ရွေးကောက်ပွဲကို အားလုံးက ဝိုင်းဝန်းဆန့်ကျင်ဖို့လိုတယ်။ ဘာကြောင့်ဝိုင်းဝန်းဆန့်ကျင်ဖို့လိုသလဲဆိုလို့ရှိရင် ဒီရွေးကောက်ပွဲဟာ ၂၀၀၈ နာဂစ်ဖွဲ့စည်းအုပ်ချုပ်ပုံ အခြေခံဥပဒေက ၁၉၈၈ ရှစ်လေးလုံးအရေးတော်ပုံကြီးရဲ့ အောင်သီးအောင်ပွင့်တွေဖြစ်တဲ့ ဒေါ်အောင်ဆန်းစုကြည်၊ ၉၀ ရွေးကောက်ပွဲရလဒ်၊ ကျနော်တို့တိုင်းရင်းသားတွေနဲ့ ကျနော်တို့ ကြားမှာရှိတဲ့ နားလည်မှု ဒီရလဒ်တွေကို ဖျက်သိမ်းဖို့ကြိုးစားနေတဲ့ နအဖစစ်အုပ်စုရဲ့ ကြိုးစားချက်တွေဖြစ်တယ်။ ဒါကြောင့်မိုလို့ ရှစ်လေးလုံးအရေးတော်ပုံရဲ့ နှစ်ပတ်လည် အခါသမယနေ့မှာ ရှစ်လေးလုံးရဲ့ အောင်သီးအောင်ပွင့်တွေကို ရိုက်ချိုးဖျက်စီးဖို့ ကြိုးစားနေတဲ့ ဒီ ၂၀၁၀ ရွေးကောက်ပွဲလိုကိစ္စမျိုး နာဂစ်ဖွဲ့စည်းပုံလိုကိစ္စ မျိုးကို ကျနော်တို့ အားလုံးဝိုင်းဝန်းဆန့်ကျင်ရလိမ့်မယ်လို့ ကျနော့်အနေနဲ့ ပြောချင်ပါတယ်။

ဦးခင်မောင်စိုး ။    ။ ဟုတ်ကဲ့ခင်ဗျ ဦးသံခဲကရော။

ဦးသံခဲ ။        ။ ကျနော်တို့ဒီ ၂၂ နှစ်မြောက် ဘာပဲဖြစ်ဖြစ် ၂၂ နှစ်တော့ မြောက်ခဲ့ပြီ။ ကျနော်တို့လိုချင်တဲ့ အခြေအနေတွေဟာ မရောက်သေးတာပဲဖြစ် တယ်လို့ ခုချိန်ထိ ခိုင်ခိုင်မာမာ ယုံကြည်တယ်။ ကျနော်တို့ မြန်မာပြည်သူလူထုဟာ ကျနော်တို့ ၂၂ နှစ်တာကာလအတွင်းမှာ ငြိမ်သတ်ခဲ့တာမဟုတ်ဘူးလို့ပဲ ကျနော် ထင်ပါတယ်။ ကျနော်တို့ အခွင့်အရေးကိုရတဲ့အချိန်မှာ လူထုဟာသိပါတယ်။ ဒီစနစ်ကြီးကို အောင်မြင်အောင် ဆန့်ကျင်ရမယ်ဆိုတဲ့ အခွင့်အလမ်းကိုသာ စောင့်နေ တာဖြစ်တယ်လို့ ကျနော်ယူဆပါတယ်။ နောက်တစ်ချက်ကတော့ ကျနော်တို့မြင်တာက ကျနော်တို့တွေဟာ ဘာပဲဖြစ်ဖြစ် ဒီနေ့ကျနော်တို့ တိုင်းပြည်ရဲ့ ဒီ စစ်အာ ဏာရှင်ဆန့်ကျင်ရေးဆိုတာ အမျိုးသားရေးလှုပ်ရှားမှုလို့ ကျနော်ယူဆပါတယ်။ ကျနော်တို့တွေအားလုံးဟာ တစ်ဖွဲ့တည်း တစ်ဦးတည်း တစ်အုပ်စုတည်းလုပ်လို့ ရတဲ့ကိစ္စတွေမဟုတ်ပါဘူး။ ကျနော်တို့ အဖက်ဖက်က ပြင်ဆင်ရမယ်လို့ ထင်ပါတယ်။ အဲဒီလိုပြင်ဆင်ရမယ့်နေရာမှာ ကျနော်တို့ မျက်နှာစာပေါင်းစုံကနေ တိုက်ဖို့ အတွက် အင်အားရှိဖို့လိုမယ်လို့ ကျနော်ယူဆပါတယ်။ နိုင်ငံရေးတိုက်ပွဲတွေလည်း အင်းအားရှိရမယ်။ သံတမန်းရေးတိုက်ပွဲတွေလည်း အင်အားရှိရမယ်။ အလားတူပါပဲ ခုနက ကျနော်တို့ပြောတဲ့ စစ်ရေးအရ တိုက်ပွဲတွေလည်း အင်အားရှိဖို့လိုတယ်လို့ ကျနော်ယူဆပါတယ်။ ဒီတိုက်ပွဲတွေကို ကျနော်တို့ ခုနကပြောသလို အားလုံးဟာ လက်တွဲညီညီ လက်တွေ့ကျကျ ကျနော်တို့ ဒါတွေဟာ ဘုံလုပ်ငန်းလို့ ယူဆနိုင်တဲ့တစ်ရက်ဟာ ကျနော်တို့ အောင်ပွဲနဲ့နီးလာတဲ့တစ်ရက်လို့ပဲ ကျနော်အဲလိုပဲ မြင်ပါ တယ်။

ဦးခင်မောင်စိုး ။    ။ ဟုတ်ကဲ့ ဦးသံခဲ ကျေးဇူးပဲ။ ဦးမင်းနိုင်ရေ ဘယ်လိုမြင်လည်းခင်ဗျ။

ဦးမင်းနိုင် ။        ။ ကျနော်နေနဲ့ကတော့ ကျနော်တို့ မြန်မာပြည်မှာ အခု ၂၂ နှစ်ကြာခဲ့တယ်ဆိုပေမယ့် ဒါကိုပြန်ကြည့်မယ်ဆိုလို့ရှိရင် အချိန်ရဆိုလို့ရှိရင်တော့ လူတစ်ယောက်ရဲ့ သက်တမ်းနဲ့တွက်ရင်တော့ ကြာကောင်းကြာပါလိမ့်မယ်။ ဒါပေမယ့် တစ်ခုရှိတယ် အခုကျနော်တို့ ၂၂ နှစ်အတွေ့အကြုံက ပေးလိုက်တာက နိုင်ငံ တစ်ခုရဲ့သမိုင်းမှာ စနစ်တစ်ခုကိုပြောင်းတဲ့အခါမှာ ကျနော်တို့ ဒါဟာဘယ်လောက်မှ မကြာသေးပါဘူး။ နောက်တစ်ချက်က ဘာပဲဖြစ်ဖြစ် ကျနော်တို့နိုင်ငံမှာ စစ်အာ ဏာရှင်စနစ်က အပြီးတိုင်ချုပ်ငြိမ်းပြီးတော့မှ တကယ့်ဒီမိုကရေစီလမ်းဝကိုရောက်နိုင်တဲ့ ငြိမ်းချမ်းရေးလမ်းဝကိုရောက်နိုင်တဲ့ အမျိုးသားတန်းတူရေးနဲ့ ဖွံ့ဖြိုးရေး ကိုရောက်နိုင်တဲ့ အနေအထားကို ကျနော်တို့မလွဲမသွေ ရောက်ရမယ်ဆိုတာကို ကျနော်တို့ယုံကြည်ပါတယ်။ ဘာကြောင့်လဲဆိုလို့ရှိရင် အဲဒါက ကျနော်တို့ မြန်မာပြည် ကျောင်းသားပြည်သူတရပ်လုံးဟာ ဘယ်တုန်းကမှ မညံ့ခဲ့ဘူး။ အဲဒါဟာ ဒီ ရှစ်လေးလုံးဒီမိုကရေစီ အရေးတော်ပုံကြီးက ထင်ထင်ရှားရှားပြခဲ့တယ်။ နောက်ထပ် တိုက်ပွဲတွေကလည်း အဆက်ဆက်ပြခဲ့တယ်။ နောက်လည်း ဆက်လက်ပြလိမ့်ဦးမယ်လို့ ကျနော်ကယုံကြည်တဲ့အတွက် ဒါဟာကျနော်တို့ မလွဲမသွေ ကျနော်တို့ ရောက်ရမယ်လို့ ကျနော်တို့ယုံကြည်ပါတယ်။

ဦးခင်မောင်စိုး ။    ။ ဟုတ်ကဲ့ ပါဝင်ဆွေးနွေးခဲ့ကြတဲ့ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော် ကျေးဇူးအများကြီးတင်ပါတယ်ခင်ဗျာ။

ဦးအောင်မိုးဇော် ။    ။ ကျေးဇူးပါပဲဗျာ ကျေးဇူးပါပဲ။

ဦးခင်မောင်စိုး ။    ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ဥက္ကဋ္ဌ ဦးသံခဲရေ ကျေးဇူးအများကြီးတင်ပါတယ်။

ဦးသံခဲ ။        ။ ဟုတ်ကဲ့ပါ ကျေးဇူးပါပဲ ခင်ဗျ။

ဦးခင်မောင်စိုး ။    ။ မြန်မာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗကသ နိုင်ငံခြားရေးတာဝန်ခံ ဦးမင်းနိုင်ရေ ကျေးဇူးပဲဗျာ။

ဦးမင်းနိုင် ။        ။ ဟုတ်ကဲ့ခင်ဗျ ကျနော်လည်း ကျေးဇူးတင်ပါတယ်ခင်ဗျာ။

လွန်ခဲ့သော အနှစ်နှစ်ဆယ်က လွတ်လပ်၍ တရားမျှတသော ရွေးကောက်ပွဲ ကျင်းပပေးခဲ့ပြီး နောက်ပိုင်းတွင် မြန်မာနိုင်ငံသည် အရှေ့တောင်အာရှတွင် အဆင်းရဲဆုံးနိုင်ငံဖြစ်လာပြီး ကမ္ဘာပေါ်တွင်အကြာဆုံး ပြည်တွင်းစစ် ဆင်နွှဲနေ သော နိုင်ငံလည်း ဖြစ်လာသည်။ ထို့ပြင် မြန်မာနိုင်ငံသည် ဒုက္ခသည်အများဆုံး မွေးထုတ်ရာနိုင်ငံ ဖြစ်လာသည့်အပြင် ကလေးစစ်သား အရေအတွက် အမြင့်ဆုံး ရှိသော တိုင်းပြည် ဖြစ်လာသည်။

သို့သော် အဓိက အင်အားကြီး နိုင်ငံများ၊ ဒေသတွင်း အစိုးရများနှင့် နိုင်ငံတကာ အဖွဲ့အစည်းများသည် မြန်မာ နိုင်ငံတွင် မကြာမီ ပြုလုပ်မည့် ရွေးကောက်ပွဲကို ခွင့်ပြုကြမည့် သဘောကို တွေ့နေရသည်။ အနှစ်မပါ ဗလာ ရွေးကောက်ပွဲ မှာ လူဦးရေ (၅၅) သန်းသော ပြည်သူများကို စစ်တပ်မှအုပ်ချုပ်မှုအား မိမိဘာသာ တရားဝင်အောင် မဟာဗျူဟာ လိုအပ်ချက်အရ စစ်တပ်က ပြုလုပ်ထားခြင်း ဖြစ်သည်။

အရေးယူရန် ခိုင်မာသော အစီအစဉ်များ မရှိပါက အထက်က ဖော်ပြခဲ့သည့်အတိုင်း ဖြစ်တော့မည် ဖြစ်သည်။

ပြီးခဲ့သည့် လက ဟနွိုင်းတွင် ကျင်းကသော အာဆီယံ နိုင်ငံခြားရေး ဝန်ကြီးများ အစည်းအဝေးတွင် အဆိုပါ လစ်လျူရှုမှု သဘောကို ပိုမို ခိုင်မာစေခဲ့သည်။ လူထု၏ တောင်းဆိုမှု၊ တံခါးပိတ်၍ ပြင်းပြင်းထန်ထန် ပြောဆိုမှုများ ရှိခဲ့သော်လည်း၊ အာဆီယံသည် ယခု တစ်ကြိမ်တွင်လည်း ခိုင်မာသော ချဉ်းကပ်မှု၊ ဒေသတွင်း အားလုံး သဘောတူ၊ လမ်းပြမြေပုံကိ်ု ကောင်းမွန်အောင် ပြုလုပ်ရေး ကမ်းလှမ်းရန် မလုပ်နိုင်ခဲ့ပြန်ပေ။

ဒေါ်အောင်ဆန်းစုကြည်အား လွတ်ပေးရန် တောင်းဆိုမှုအား အာဆီယံက ၂၀၀၃ ခုနှစ်တွင် တရားဝင် တောင်ဆိုခဲ့သော်လည်း၊ ဤမျှနှင့် ပြီးဆုံးခဲ့ပြီ ဖြစ်သည်။ ဒေါ်အောင်ဆန်းစုကြည်အား လွတ်ပေးသင့်ပြီး၊ ရွေးကောက်ပွဲတွင် ပါဝင်ခွင့် ပြုရန် အချို့၏ အကြံပြုချက်များကိုလည်း စစ်တပ်က အဖက်မလုပ်ခဲ့ပေ။
မြန်မာနိုင်ငံအတွက် အာဆီယံ အထူး ကိုယ်စားလှယ် ထားရှိရေးမှာလည်း ဆက်လက် လုပ်ဆောင်ခြင်း မရှိပါ။

အထက်ပါ တောင်းဆိုမှုများမှာ စာရွက်ပေါ်တွင်သာ ကျန်ခဲ့ပြီး၊ အာဆီယံ၏ အဖွဲ့အစည်းလိုက် ပံ့ပိုး ကျောထောက် နောက်ခံပြုမှု မရှိပေ။ ထို့အပြင် လမ်းကြောင်း သတ်သတ် မှတ်မှတ်ဖြင့် တရားဝင် လုပ်ငန်းစဉ်များလည်း မရှိပေ။

ဟနွိုင်းတွင် ဝါရင့် အာဆီယံ သံတမန်တစ်ဦးက ပြည်တွင်းမီဒီယာ တစ်ခုသို့ ပြောကြားရာတွင် “နောက်ဆုံးတော့ ရာဘာ တံဆိပ်တုံးကြီးကြီး အဖြစ်နဲ့ပဲ ပြီးသွားတာပါပဲ” ဟု ဆိုသည်။

ဆွေးနွေးပွဲတွင် အမေရိကန်ကလည်း ဆုံးဖြတ်ချက် မချနိုင်ခဲ့ပေ။ ၎င်း၏ နေရာကို ယုံကြည် စိတ်ချမှု မရှိပုံ ရသည်။ အမေရိကန်သည် ၎င်း၏ မြန်မာနိုင်ငံ မူဝါဒကို လအတန်ကြာ ပြန်လည် သုံးသပ်ခဲ့သော်လည်း ဆက်ဆံရေးနှင့် အရေးယူရေး မူဝါဒနှစ်ခု ပေါင်းထားသော လိပ်ခဲတည်းလည်း အဖြေ မထွက်သော မူဝါဒကိုသာ ချမှတ်နိုင်ခဲ့သည်။

ထို့ကြောင့်ပင် မြန်မာနိုင်ငံ ရွေးကောက်ပွဲနှင့် ပတ်သက်၍ အမေရိကန်၏ နေရာမှာလည်း အာဆီယံကဲ့သို့ပင် ကျဆင်းခဲ့ရသည်။ အမေရိကန်တို့မှာ ပြင်းထန်သော စကားလုံးများ၊ လေးစားဖွယ် ကောင်းသော မျှော်လင့်ချင်များဖြင့်သာ တန်ဆာဆင်ထားပြီး၊ ခိုင်မာစွာ စီမံထားသော လှုပ်ရှားမှုများ မရှိပေ။

အမေရိကန်၏ ဆက်ဆံရေးမှာ မြန်မာနိုင်ငံအတွက် အထူး ကိုယ်စားလှယ် မပါဘဲနှင့်ပင် ပင်ကို အားနည်းလျက် ရှိသည်။ မြန်မာနိုင်ငံသည် တရုတ်နိုင်ငံနှင့် နီးကပ်စွာ ဆက်ဆံရေးကြောင့် ကုန်သွယ်ရေးနှင့် ရင်းနှီးမြှုပ်နှံမှု စသော စီးပွားရေး အတားအဆီးများကို အောင်မြင်စွာ ကျော်ဖြတ်နိုင်ခဲ့သည်။

ကုလသမဂ္ဂ အနေဖြင့်လည်း အထူး ကိုယ်စားလှယ် လာရောက်ခဲ့သည်မှာ တစ်နှစ်မက ကြာပြီ ဖြစ်ပြီး၊ ကုလသမဂ္ဂ အထွေထွေ အတွင်းရေးမှူး ချုပ်မှာလည်း လွန်ခဲ့သောနှစ်က လာရောက်ရာ မိမိတို့နှင့် စကား ပြောခဲ့ရသည်။ ထို့နောက် မည်သူမျှ လာရောက်ခြင်း မရှိတော့ပါ။ ကုလသမဂ္ဂ လုံခြုံရေး ကောင်စီကလည်း မြန်မာ့အရေးကို အလေးဂရု မပြုသည်မှာ သုံးနှစ် ခန့်ရှိပြီ ဖြစ်သည်။

မြန်မာ အစိုးရသည် နိုင်ငံတကာနှင့် ဒေသတွင်း လှုပ်ရှားသူများကို လုံးဝ လစ်လျူရှုပြီး ငြင်းဆိုနိုင်သော အခြေအနေတွင် ရှိသည်။ လာမည့် ၂၀၁၀ ရွေးကောက်ပွဲသည် နိုင်ငံတကာ အသိုင်းအဝိုင်းက မျှော်လင့်သလို၊ ဒေသတွင်းက လိုအပ်နေသော မြန်မာနိုင်ငံမှ အင်အားစု အမျိုးမျိုး ပြန်လည် ပေါင်းစည်းရေးမှာ ဖြစ်လာမည် မဟုတ်ပေ။ အဆိုပါ အင်အားစုများကို စစ်တပ်က ထိရောက်စွာ နေရာကျဉ်းအောင် ပြုလုပ်ထားပြီး ဖြစ်သည်။

ယခု ရွေးကောက်ပွဲဖြင့် အစိုးရသည် ၎င်းတို့ နိုင်ရမည့် ကစားပွဲ (a zero-sum game) ကို ကစားလျက် ရှိသည်။ ထိုရည်မှန်းချက်အတွက် အစိုးရသည် အတိုက်အခံ ပါတီများကို လုံးဝချေမှုန်းရန် ဖြစ်ပြီး၊ ဒီမိုကရေစီ လမ်းကြောင်းတွင် ပါဝင်ပတ်သက်သူ အားလုံးကို လုံးဝ မပါဝင်အောင် လုပ်ထားနိုင်ရန် ပြုလုပ်နေသည်။

နိုင်ငံရေးအရ အဓိက ပါဝင်မှုများကို ဖယ်ထုတ်ရာတွင် အစိုးရသည် အဓိက ကချင် တိုင်းရင်းသား ပါတီကို မပါဝင်အောင်လုပ်၊ အဓိက နိုင်ငံရေးသမားများကို (ဒေါ်အောင်ဆန်းစုကြည် အပါအဝင်) ထောင်ထဲတွင် ထားခြင်းများမှာ နိုင်ငံရေးအရ နေရာ ကျဉ်းသွားအောင် ပြုလုပ်ထားခြင်းများ ဖြစ်သည်။ အစိုးရသည် တိုင်းပြည်ကို ချောက်ကမ်းပါးထဲသို့ ကျကာနီး အခြေအနေတွင်ပင် ထားရှိပြီး၊ ပြန်လည် ပေါင်းစည်း ညီညွတ်ရေးနှင့် ဆင်တူသည့်အရာ မှန်သမျှကို ငြင်းဆိုခဲ့သည်။

အကျိုးဆက်အားဖြင့် ၂၀၁၀ ရွေးကောက်ပွဲသည် မြန်မာနိုင်ငံတွင် ကစဥ့်ကလျား အခြေအနေများကို ဖြစ်စေမည် ဖြစ်သည်။ ဆူးများ ပါသော ရည်မှန်းချက်များ၊ ဆင်းရဲမွဲတေမှုကို ဖြစ်စေသော အကြောင်းများ၊ အခြေခံ လူ့အခွင့်အရေးများကို ဖြစ်လာစေပြီး ရေဆူမှတ်သို့ ရောက်ရှိလာနိုင်သည်။ ထွက်ပေါ်လာနိုင်သော အဖြေမှာ မြန်မာနိုင်ငံတွင် မတည်ငြ်ိမ်မှုများ ပိုမို တိုးပွားလာခြင်း ဖြစ်ပြီး အဆိုပါ ရလဒ်ကို မည်သူမျှ အလိုမရှိပေ။ Beijing ရှိ မြန်မာနိုင်ငံ၏ သစ္စာရှိ် နာယကများကလည်း အလိုရှိလိမ့်မည် မဟုတ်ပေ။

အမျိုးသား ဒီမိုကရေစီ အဖွဲ့ချုပ်သည် လွန်ခဲ့သော နှစ်များက မြန်မာနိုင်ငံနှင့် ပတ်သက်၍ ဒေသတွင်း တွေ့ဆုံဆွေးနွေးမှု ပြုလုပ်ရန် တောင်းဆိုခဲ့ဖူးသည်။ အာဆီယံက စတင်ပြုလုပ်ရန် ဖြစ်သင့်သည်ဟု မိမိတို့ ယူဆသည်။ အာဆီယံ ဒေသတွင်း ဖိုရမ်မှတဆင့် အာရှ တစ်ခုလုံး ပါဝင်သင့်ပေသည်။

အဆိုပါ ဖိုရမ်၏ ရည်မှန်းချက်များမှာ နိုင်ငံတကာ အသိုင်းအဝ်ိုင်းနှင့် မြန်မာအစိုးရတို့ ပူးပေါင်း၍ ဒီမိုကရေစီအတွက် ရိုးသားသော အသွင်ကူးပြောင်းရေး ကာလကို အစပြုနိုင်ရန် ရည်မှန်းရမည် ဖြစ်သည်။

နောက်ဆုံး အဆင့်မှသာ အရေးယူမှု နည်းလမ်း အသစ်များ ရှာရမည် ဖြစ်သည်။ ထိုသို့သော မဟာဗျူဟာများ မရှိလျှင်တော့ ရွေးကောက်ပွဲသည် အရာ ရောက်လိမ့်မည် မဟုတ်ပေ။ ထိုသို့ ပြုလုပ်မှသာ ယခု နိုင်ငံတကာ အသိုင်းအဝိုင်း မလုပ်နိုင်ခဲ့သည့် အခွင့်အရေးများ ရရှိလာလိမ့်မည် ဖြစ်သည်။

ထို့ကြောင့် ရှစ်လေးလုံးစိတ်ဓါတ်ဖြင့် မတရားရွေးကောက်ပွဲကို ဆန့်ကျင်သပိတ်မှောက်ကာ နအဖ၏ တရားမဲ့ လုပ်ရပ်များအား တရားဝင်မှု လုံးဝမပေးဘဲ ဒီမိုကရေစီတန်ဘိုးများကို မိမိတို့ကိုယ်တိုင် ခိုင်ခိုင်မြဲမြဲ ကိုင်စွဲထိန်းသိမ်း မြှင့်တင်ကြပါရန် တိုက်တွန်းနှိုးဆော်လိုက်ပါသည်။  PDF file … အပြည့်အစုံသို့ >>>